Ushaq apatynan qaza bolǵan shekarashylardy eske aldy
– 2012 jyly qaqaǵan qystyń aiazynda kóńilimizge syzat tústi. Ol – Otan qorǵaǵan baýyrlarymyzdyń ushaq apatynan mezgilsiz qaza bolýy edi. «Týmaq súnnet, ólý paryz», sol ólim erteli kesh bar adamnyń basyna keletini shyndyq. Qamshy sabyndai qysqa ǵumyrda halqyna adal eńbek etip, artqy urpaqqa jemisin qaldyrǵan darabozdar qanshama? «Otandi súiý imannan» degen ataly sóz ulttyń amandyǵyn, eldiń tynyshtyǵyn saqtaýda at ústinde uiyqtamai ultyna qorǵan bolatyn azamattarǵa qarata aitylǵan bolsa kerek. Sondai azamattarymyzdan mezgilsiz aiyrylyp qalamyz degen kimniń oiynda boldy dersiz. Bul qaiǵyly oqiǵany 6-shy jyl qatarynan eske alyp otyrmyz. Sońǵy demi qalǵansha elim dep eńbek etken baýyrlarymyzdyń jandary jánnatta bolǵai! – dedi Baqyt Nasyrhanuly.
Miting barysynda aýdan basshysy men jiynǵa qatysýshylar, jaýyngerler qaza bolǵan shekarashylardyń eskertkishine gúl shoqtaryn qoidy. Sondai-aq, bozdaqtardyń rýhyna arnalyp as berilip, quran baǵyshtaldy.
Aita keteiik, 2012 jyly 25 jeltoqsanda saǵat 18:55 minýt ótken kezde, Shymkent qalasynyń áýejaiynan 20 shaqyrym jerde Astana-Shymkent reisimen ushqan Qazaqstan Respýblikasy Ulttyq qaýipsizdik komiteti Shekara qyzmetiniń vedomstvolyq ushaǵy qonar aldynda apatqa ushyrady.
AN-72 áýe kemesiniń bortynda ekipajdyń 7 múshesi, 20 áskeri qyzmetshi, sonyń ishinde Qazaqstan Respýblikasy Ulttyq qaýipsizdik komiteti Shekara qyzmeti direktorynyń mindetin ýaqytsha atqarýshy, polkovnik Stambekov Turǵanbek Muhametqaliuly men Maqtaaral aýdanynyń 2037 áskeri bóliminiń bastyǵy, podpolkovnik Shýqanov Amanbek Perdeshbekuly da bolǵan.
Maqtaaral aýdany ákiminiń baspasóz qyzmeti
