Mańǵystaý oblysynyń densaýlyq saqtaý basqarmasy ushaq apatynan keiin oblystyq aýrýhanaǵa túskenderdiń tizimin jariialady. Alaida olardyń ishinde qazaqstandyqtar joq, dep habarlaidy Dalanews.kz.
“Apat saldarynan barlyǵy 29 adam aman qaldy. Olardyń 27-si jedel járdem bólimine jetkizildi. Al 11-i aýyr halde jansaqtaý bóliminde jatyr.
Mańǵystaý oblystyq balalar aýrýhanasyna 11 jáne 16 jastaǵy eki bala tústi. Olardy otaǵa daiyndap jatyr. Oqiǵa ornynan tórt adamnyń máiiti tabyldy”, — delingen habarlamada.
Eske salaiyq, búgin, 25 jeltoqsanda Aqtaý mańynda ushaq qulady. Osyǵan bailanysty TJM túsinikteme berdi.
"Aqtaýda ushaq qulaǵan orynǵa Qazaqstan TJM jeke quramynan 52 adam jáne 11 birlik tehnikasy bardy. Oqiǵa ornyna kelgen boida áýe kemesi janyp jatty. Qutqarý bólimsheleri órtti sóndirýge kiristi", - dedi olar.
"Qazaeronavigatsiia" aqparatynsha, Baký-Groznyi baǵyty boiynsha kele jatqan "Embrair190" AHY8243 ushaǵy Aqtaýda quspen soqtyǵysqan.
Al ázerbaijandyq BAQ-tyń habarlaýynsha, bortta 67 adam men 5 ekipaj múshesi bolǵan.
