Qazaqstanda shetel azamattaryna, ásirese reseilikterge bank kartasyn berý kúrt azaidy. Buǵan qańtar aiynda engizilgen qatań shekteýler sebep. Ulttyq banktiń málimetinshe, 1 naýryzdaǵy derek boiynsha, elimizdegi halyqaralyq tólem júieleriniń kartalary 54,1 million danaǵa deiin qysqarǵan. Bul – aldyńǵy aimen salystyrǵanda birden 4,6 paiyzǵa tómen kórsetkish. Osyndai qarqyndy quldyraý sońǵy ret 2022 jyly Resei Ýkrainaǵa basyp kirip, Visa men Mastercard Resei naryǵynan ketken kezde baiqalǵan edi. Sol kezde reseilikter Qazaqstanǵa jappai kelip, halyqaralyq tólem júiesine qosylý úshin jergilikti bankterden karta asha bastaǵan bolatyn. Degenmen atalǵan kórsetkish qaita ońala bastaýy yqtimal. Óitkeni reseilikterge karta berýdi ýaqytsha doǵarǵan keibir bank ony qaita bere bastaǵan, biraq jańa talap boiynsha,dep habarlaidy Dalanews.kz.
Jańa shekteý
2025 jyldyń qańtar aiynan bastap, Qazaqstannyń qarjy naryǵyn retteý jáne damytý agenttigi beirezidentterge qatysty birqatar jańa ereje engizdi.
- Jańa talap boiynsha, shetel azamattaryna beriletin bank kartasynyń jaramdylyq merzimi 12 aidan aspaýy tiis.
- Sonymen qatar shetel azamaty bir bankten bes karta nemese úsh bankten úsh kartadan artyq ala almaýy kerek. Eger budan kóp kartany rásimdegisi kelse, qosymsha tekserýden ótýi kerek.
- Budan bólek, bankterge aqshany jylystatý men terrorizmdi qarjylandyrýǵa bailanysty kúmándi operatsiialardy anyqtaityn avtomatty júielerdi engizý mindetteldi.
- Osy shekteýlermen qatar, Qazaqstan elshilikteri men konsýldyqtary shetel azamattaryna jeke sáikestendirý nómirin (JSN) berýdi de toqtatty. Buryn sheteldikter JSN-di diplomatiialyq ókildikter arqyly rásimdep kelgen bolsa, endi ony tek Qazaqstan aýmaǵyna kelip, jergilikti halyqqa qyzmet kórsetý ortalyqtarynan alýy kerek.
Mitra Law Office zańgerlik kompaniiasynyń basshysy Iýrii Mirzoevtiń aitýynsha, aldaǵy ýaqytta qazaqstandyq bankter osy jańa erejelerge qaishy berilgen kartalardy jappai jabýǵa kirisedi. Sarapshynyń aitýynsha, erejelerdiń qataitylýy Qazaqstannyń bank kartalaryn reseilikter úshin tartymsyz etedi. Endi reseilikter qarjy qyzmetterin alý úshin Tájikstan, Qyrǵyzstan, Ózbekstan sekildi kórshi memleketterge bet burýy yqtimal. Sebebi atalǵan elderde, ázirge mundai qatań talaptar joq.
Qazaqstandyq bankter men Qazposhta Visa, Mastercard, UnionPay jáne American Express kartalaryn berýdi áli de jalǵastyryp otyr. Ýkrainadaǵy soǵys bastalǵannan beri Qazaqstan "karta týrizmi" dep atalatyn qubylystyń negizgi ortalyqtarynyń birine ainaldy. Bul – sanktsiialardy ainalyp ótip, halyqaralyq tólem júielerine qol jetkizý úshin ózge elderge saparlaý.
Anderida Financial Group esebinshe, 2024 jyldyń aiaǵyna qarai shetelge shyǵatyn reseilik azamattardyń shamamen 15 paiyzy shetelde alynǵan Visa jáne Mastercard kartalaryn qoldanady. Olardyń ishinde qazaqstandyq bankterden karta rásimdegen reseilikterdiń úlesi 36 paiyzdy quraidy. Odan keiin Túrkiia (16%), Grýziia (10%), Qyrǵyzstan, Ózbekstan men Tájikstan (12%) jáne Armeniia (6%) tur.
Eýraziialyq ekonomikalyq odaq/sanktsiia táýekelderi
Qazaqstannyń eń iri bankteri osyǵan deiin-aq reseilik azamattarǵa karta berýdi toqtatqan bolatyn. Sarapshylar bul ózgerister Qazaqstandy sanktsiialyq táýekelderden qorǵaý jáne halyqaralyq qarjy standarttaryna sai bolý úshin jasalyp otyrǵan mańyzdy qadam dep esepteidi.
Birshama úzilisten soń, buǵan deiin reseilikterge karta berýdi 19 qańtardan bastap doǵarǵan úsh bank qazir ony qaita bere bastaǵan.
Máselen, Halyk Bank, Kaspi Bank jáne "Bank BTV"-nyń Qazaqstandaǵy enshilesinde bul shekteý 19 qańtar men 14 aqpan aralyǵyn qamtydy.
"Kaspi Gold Eýraziialyq ekonomikalyq odaqqa múshe elderdiń, sondai-aq Qazaqstanda turýǵa yqtiiarhaty bar sheteldik azamattar esh kedergisiz ala alady", - delingen bank habarlamasynda.
Sondai-aq VTB da (Qazaqstan) rezident emesterge "Mir" kartasyn berýdi jańǵartty.
Home Credit Bank olarǵa sál keshigip qosyldy: 2025 jyldyń 3 naýryzynan bastap.
Jalpy, Tsifrlyq damý ministrliginiń málimetinshe, 2022-2024 jyldary 695 myń reseilik qazaqstandyq bankterden karta tirketken.
