قازاقستاندا شەتەل ازاماتتارىنا, ەسٸرەسە رەسەيلٸكتەرگە بانك كارتاسىن بەرۋ كٷرت ازايدى. بۇعان قاڭتار ايىندا ەنگٸزٸلگەن قاتاڭ شەكتەۋلەر سەبەپ. ۇلتتىق بانكتٸڭ مەلٸمەتٸنشە, 1 ناۋرىزداعى دەرەك بويىنشا, ەلٸمٸزدەگٸ حالىقارالىق تٶلەم جٷيەلەرٸنٸڭ كارتالارى 54,1 ميلليون داناعا دەيٸن قىسقارعان. بۇل – الدىڭعى ايمەن سالىستىرعاندا بٸردەن 4,6 پايىزعا تٶمەن كٶرسەتكٸش. وسىنداي قارقىندى قۇلدىراۋ سوڭعى رەت 2022 جىلى رەسەي ۋكرايناعا باسىپ كٸرٸپ, Visa مەن Mastercard رەسەي نارىعىنان كەتكەن كەزدە بايقالعان ەدٸ. سول كەزدە رەسەيلٸكتەر قازاقستانعا جاپپاي كەلٸپ, حالىقارالىق تٶلەم جٷيەسٸنە قوسىلۋ ٷشٸن جەرگٸلٸكتٸ بانكتەردەن كارتا اشا باستاعان بولاتىن. دەگەنمەن اتالعان كٶرسەتكٸش قايتا وڭالا باستاۋى ىقتيمال. ٶيتكەنٸ رەسەيلٸكتەرگە كارتا بەرۋدٸ ۋاقىتشا دوعارعان كەيبٸر بانك ونى قايتا بەرە باستاعان, بٸراق جاڭا تالاپ بويىنشا,دەپ حابارلايدى Dalanews.kz.
جاڭا شەكتەۋ
2025 جىلدىڭ قاڭتار ايىنان باستاپ, قازاقستاننىڭ قارجى نارىعىن رەتتەۋ جەنە دامىتۋ اگەنتتٸگٸ بەيرەزيدەنتتەرگە قاتىستى بٸرقاتار جاڭا ەرەجە ەنگٸزدٸ.
- جاڭا تالاپ بويىنشا, شەتەل ازاماتتارىنا بەرٸلەتٸن بانك كارتاسىنىڭ جارامدىلىق مەرزٸمٸ 12 ايدان اسپاۋى تيٸس.
- سونىمەن قاتار شەتەل ازاماتى بٸر بانكتەن بەس كارتا نەمەسە ٷش بانكتەن ٷش كارتادان ارتىق الا الماۋى كەرەك. ەگەر بۇدان كٶپ كارتانى رەسٸمدەگٸسٸ كەلسە, قوسىمشا تەكسەرۋدەن ٶتۋٸ كەرەك.
- بۇدان بٶلەك, بانكتەرگە اقشانى جىلىستاتۋ مەن تەرروريزمدٸ قارجىلاندىرۋعا بايلانىستى كٷمەندٸ وپەراتسييالاردى انىقتايتىن اۆتوماتتى جٷيەلەردٸ ەنگٸزۋ مٸندەتتەلدٸ.
- وسى شەكتەۋلەرمەن قاتار, قازاقستان ەلشٸلٸكتەرٸ مەن كونسۋلدىقتارى شەتەل ازاماتتارىنا جەكە سەيكەستەندٸرۋ نٶمٸرٸن (جسن) بەرۋدٸ دە توقتاتتى. بۇرىن شەتەلدٸكتەر جسن-دٸ ديپلوماتييالىق ٶكٸلدٸكتەر ارقىلى رەسٸمدەپ كەلگەن بولسا, ەندٸ ونى تەك قازاقستان اۋماعىنا كەلٸپ, جەرگٸلٸكتٸ حالىققا قىزمەت كٶرسەتۋ ورتالىقتارىنان الۋى كەرەك.
Mitra Law Office زاڭگەرلٸك كومپانيياسىنىڭ باسشىسى يۋريي ميرزوەۆتٸڭ ايتۋىنشا, الداعى ۋاقىتتا قازاقستاندىق بانكتەر وسى جاڭا ەرەجەلەرگە قايشى بەرٸلگەن كارتالاردى جاپپاي جابۋعا كٸرٸسەدٸ. ساراپشىنىڭ ايتۋىنشا, ەرەجەلەردٸڭ قاتايتىلۋى قازاقستاننىڭ بانك كارتالارىن رەسەيلٸكتەر ٷشٸن تارتىمسىز ەتەدٸ. ەندٸ رەسەيلٸكتەر قارجى قىزمەتتەرٸن الۋ ٷشٸن تەجٸكستان, قىرعىزستان, ٶزبەكستان سەكٸلدٸ كٶرشٸ مەملەكەتتەرگە بەت بۇرۋى ىقتيمال. سەبەبٸ اتالعان ەلدەردە, ەزٸرگە مۇنداي قاتاڭ تالاپتار جوق.
قازاقستاندىق بانكتەر مەن قازپوشتا Visa, Mastercard, UnionPay جەنە American Express كارتالارىن بەرۋدٸ ەلٸ دە جالعاستىرىپ وتىر. ۋكرايناداعى سوعىس باستالعاننان بەرٸ قازاقستان "كارتا تۋريزمٸ" دەپ اتالاتىن قۇبىلىستىڭ نەگٸزگٸ ورتالىقتارىنىڭ بٸرٸنە اينالدى. بۇل – سانكتسييالاردى اينالىپ ٶتٸپ, حالىقارالىق تٶلەم جٷيەلەرٸنە قول جەتكٸزۋ ٷشٸن ٶزگە ەلدەرگە ساپارلاۋ.
Anderida Financial Group ەسەبٸنشە, 2024 جىلدىڭ اياعىنا قاراي شەتەلگە شىعاتىن رەسەيلٸك ازاماتتاردىڭ شامامەن 15 پايىزى شەتەلدە الىنعان Visa جەنە Mastercard كارتالارىن قولدانادى. ولاردىڭ ٸشٸندە قازاقستاندىق بانكتەردەن كارتا رەسٸمدەگەن رەسەيلٸكتەردٸڭ ٷلەسٸ 36 پايىزدى قۇرايدى. ودان كەيٸن تٷركييا (16%), گرۋزييا (10%), قىرعىزستان, ٶزبەكستان مەن تەجٸكستان (12%) جەنە ارمەنييا (6%) تۇر.
ەۋرازييالىق ەكونوميكالىق وداق/سانكتسييا تەۋەكەلدەرٸ
قازاقستاننىڭ ەڭ ٸرٸ بانكتەرٸ وسىعان دەيٸن-اق رەسەيلٸك ازاماتتارعا كارتا بەرۋدٸ توقتاتقان بولاتىن. ساراپشىلار بۇل ٶزگەرٸستەر قازاقستاندى سانكتسييالىق تەۋەكەلدەردەن قورعاۋ جەنە حالىقارالىق قارجى ستاندارتتارىنا ساي بولۋ ٷشٸن جاسالىپ وتىرعان ماڭىزدى قادام دەپ ەسەپتەيدٸ.
بٸرشاما ٷزٸلٸستەن سوڭ, بۇعان دەيٸن رەسەيلٸكتەرگە كارتا بەرۋدٸ 19 قاڭتاردان باستاپ دوعارعان ٷش بانك قازٸر ونى قايتا بەرە باستاعان.
مەسەلەن, Halyk Bank, Kaspi Bank جەنە "بانك بتۆ"-نىڭ قازاقستانداعى ەنشٸلەسٸندە بۇل شەكتەۋ 19 قاڭتار مەن 14 اقپان ارالىعىن قامتىدى.
"Kaspi Gold ەۋرازييالىق ەكونوميكالىق وداققا مٷشە ەلدەردٸڭ, سونداي-اق قازاقستاندا تۇرۋعا ىقتييارحاتى بار شەتەلدٸك ازاماتتار ەش كەدەرگٸسٸز الا الادى", - دەلٸنگەن بانك حابارلاماسىندا.
سونداي-اق ۆتب دا (قازاقستان) رەزيدەنت ەمەستەرگە "مير" كارتاسىن بەرۋدٸ جاڭعارتتى.
Home Credit Bank ولارعا سەل كەشٸگٸپ قوسىلدى: 2025 جىلدىڭ 3 ناۋرىزىنان باستاپ.
جالپى, تسيفرلىق دامۋ مينيسترلٸگٸنٸڭ مەلٸمەتٸنشە, 2022-2024 جىلدارى 695 مىڭ رەسەيلٸك قازاقستاندىق بانكتەردەن كارتا تٸركەتكەن.
