Erbolat Dosaevtyń qala ákimi retindegi úsh jyldyq qyzmeti aiasynda elimizde alǵash ret aýqymdy júieli tsifrlyq jobalar júzege asyryldy. 2023 jyly qala ákimdigi Qazaqstanda alǵash bolyp memlekettik mektepter men balabaqshalarda keshendi qaýipsizdik júiesin engizdi. 2024 jyly meditsinalyq mekemelerde de osyndai júie ornatylyp, áleýmettik nysandardyń qorǵalý deńgeii edáýir artty, – dep habarlaidy Dalanews.kz.
Almaty qalasynyń Biryńǵai beinebaqylaý júiesi negizgi jobalardyń biri boldy. Qazirgi tańda bul júiege 52 myń kamera qosylǵan, al 2025 jyldyń sońyna deiin olardyń sany 70 myńǵa jetkiziledi dep josparlanǵan. Bul joba elimizdiń basqa óńirleri úshin úlgi bolyp, uqsas sheshimder engizile bastady.
Sonymen qatar, Memleket basshysynyń 2024 jyly 25 qańtardaǵy tapsyrmasy aiasynda Almatyda elimizde alǵash ret uialy bailanys arqyly Cell Broadcast tehnologiiasy negizinde tótenshe jaǵdai týraly habarlandyrý júiesi iske qosyldy. Bul júie halyqty jedel ári naqty ýaqyt rejiminde aqparattandyrýǵa múmkindik beredi.
Almaty IT-sektordyń damýynda da elimizde kósh bastap keledi. Elimizde kórsetiletin barlyq IT-qyzmettiń 52%-y osy qalaǵa tiesili. Búginde jasandy intellekt qoldanylatyn beinebaqylaý tehnologiialary keńinen engizilip jatyr.
Qalalyq ákimdik júrgizip otyrǵan jan-jaqty tsifrlyq transformatsiia turǵyndardyń qaýipsizdigin arttyryp qana qoimai, zamanaýi, jaily qalalyq infraqurylymdy qalyptastyrýǵa múmkindik berip otyr.
