ەربولات دوسايەۆتىڭ قالا اكىمى رەتىندەگى ءۇش جىلدىق قىزمەتى اياسىندا ەلىمىزدە العاش رەت اۋقىمدى جۇيەلى سيفرلىق جوبالار جۇزەگە اسىرىلدى. 2023 جىلى قالا اكىمدىگى قازاقستاندا العاش بولىپ مەملەكەتتىك مەكتەپتەر مەن بالاباقشالاردا كەشەندى قاۋىپسىزدىك جۇيەسىن ەنگىزدى. 2024 جىلى مەديسينالىق مەكەمەلەردە دە وسىنداي جۇيە ورناتىلىپ، الەۋمەتتىك نىسانداردىڭ قورعالۋ دەڭگەيى ەداۋىر ارتتى، – دەپ حابارلايدى Dalanews.kz.
الماتى قالاسىنىڭ ءبىرىڭعاي بەينەباقىلاۋ جۇيەسى نەگىزگى جوبالاردىڭ ءبىرى بولدى. قازىرگى تاڭدا بۇل جۇيەگە 52 مىڭ كامەرا قوسىلعان، ال 2025 جىلدىڭ سوڭىنا دەيىن ولاردىڭ سانى 70 مىڭعا جەتكىزىلەدى دەپ جوسپارلانعان. بۇل جوبا ەلىمىزدىڭ باسقا وڭىرلەرى ءۇشىن ۇلگى بولىپ، ۇقساس شەشىمدەر ەنگىزىلە باستادى.
سونىمەن قاتار، مەملەكەت باسشىسىنىڭ 2024 جىلى 25 قاڭتارداعى تاپسىرماسى اياسىندا الماتىدا ەلىمىزدە العاش رەت ۇيالى بايلانىس ارقىلى Cell Broadcast تەحنولوگياسى نەگىزىندە توتەنشە جاعداي تۋرالى حابارلاندىرۋ جۇيەسى ىسكە قوسىلدى. بۇل جۇيە حالىقتى جەدەل ءارى ناقتى ۋاقىت رەجيمىندە اقپاراتتاندىرۋعا مۇمكىندىك بەرەدى.
الماتى IT-سەكتوردىڭ دامۋىندا دا ەلىمىزدە كوش باستاپ كەلەدى. ەلىمىزدە كورسەتىلەتىن بارلىق IT-قىزمەتتىڭ 52%-ى وسى قالاعا تيەسىلى. بۇگىندە جاساندى ينتەللەكت قولدانىلاتىن بەينەباقىلاۋ تەحنولوگيالارى كەڭىنەن ەنگىزىلىپ جاتىر.
قالالىق اكىمدىك جۇرگىزىپ وتىرعان جان-جاقتى سيفرلىق ترانسفورماسيا تۇرعىنداردىڭ قاۋىپسىزدىگىن ارتتىرىپ قانا قويماي، زاماناۋي، جايلى قالالىق ينفراقۇرىلىمدى قالىپتاستىرۋعا مۇمكىندىك بەرىپ وتىر.
