Áleýmettik jelide ushaq salonynda bolǵan janjaldyń videosy tarap, kópshiliktiń nazaryn aýdardy, dep habarlaidy dalanews.kz.
The Sun basylymynyń málimetinshe, oqiǵa Nigeriiadaǵy Asaba áýejaiynda United Nigeria Airlines áýe kompaniiasynyń UN0523 reisinde bolǵan.
Jelide taraǵan videodan eki jolaýshynyń ushaq salonynda sózge kelip, keiin janjaldyń tóbeleske ulasqanyn kórýge bolady. Áleýmettik jeli qoldanýshylary olardyń biri jergilikti tanymal infliýenser Matins Otse, iaǵni Very Dark Man degen atpen belgili bloger, al ekinshisi ázilkesh Freedom Atsepoyi bolýy múmkin ekenin jazyp jatyr.
Oqiǵa kezinde ekipaj músheleri dereý áreket etip, janjaldasqan eki jolaýshyny da ushaqtan túsirgen. Keiin olar áýejaidyń qaýipsizdik qyzmetine tapsyrylǵan.
Osy jaǵdaiǵa qaramastan, reis uzaq ýaqytqa keshikpei, belgilengen baǵyty boiynsha ushýyn jalǵastyrǵan.
