Syıymdylyǵy 3,5 adamdy qamtıtyn arena Iýrmala qalashyǵynyń úlgisimen salynbaq. Munda sahna, qonaq úı, qoıma, as úı, bı alańy, VIP terassa, balalar alańy, bar zonasy, kasa, avtoturaq, kórermen alańy, karaoke, jasyl gazon, demalý aımaǵy bolady.
- Oblys ákiminiń bastamasymen ınvestor retinde sáýir aıynda jobany bastadyq. Maqsatymyz- Alakóldegi týrızm deńgeıin kóterip, demalýshylar aǵynyn kóbeıtý. Joba 2 jylǵa sozylǵan.
Alaıda negizgi jumystardy aıaqtap, shilde aıynyń ortasynda ashylyp, demalýshylardy qabyldaımyz degen jospar bar,- deıdi ALAZONE ARENA dırektory Arman Ahmetqanov.
Jobany júzege asyrý úshin ınvestor óz qaltasynan 300 mln teńge jumsap otyr. Degenmen ınvestorǵa memleket tarapynan da qoldaý kórsetilgen. Investorlar ALAZONE ARENA jobasy aldaǵy 3-4 jylda óziniń shyǵynyn aqtaıdy degen oıda.
- Ár nársege ınvestısıa salǵannan keıin shyǵyndy aqtaý jaǵyn oılaımyz ǵoı endi. Aldaǵy 3-4 jylda joba ózin ózi aıaqtaıdy degen oıdamyz. Bıyl koronavırýs sıaqty indet kedergi bolmasa, eńbegimizdiń jemisin kóretin shyǵarmyz,- deıdi Arman Ahmetqanov.
Derekkóz: altaynews.kz
