سىيىمدىلىعى 3,5 ادامدى قامتيتىن ارەنا يۋرمالا قالاشىعىنىڭ ٷلگٸسٸمەن سالىنباق. مۇندا ساحنا, قوناق ٷي, قويما, اس ٷي, بي الاڭى, VIP تەراسسا, بالالار الاڭى, بار زوناسى, كاسسا, اۆتوتۇراق, كٶرەرمەن الاڭى, كاراوكە, جاسىل گازون, دەمالۋ ايماعى بولادى.
- وبلىس ەكٸمٸنٸڭ باستاماسىمەن ينۆەستور رەتٸندە سەۋٸر ايىندا جوبانى باستادىق. ماقساتىمىز- الاكٶلدەگٸ تۋريزم دەڭگەيٸن كٶتەرٸپ, دەمالۋشىلار اعىنىن كٶبەيتۋ. جوبا 2 جىلعا سوزىلعان.
الايدا نەگٸزگٸ جۇمىستاردى اياقتاپ, شٸلدە ايىنىڭ ورتاسىندا اشىلىپ, دەمالۋشىلاردى قابىلدايمىز دەگەن جوسپار بار,- دەيدٸ ALAZONE ARENA ديرەكتورى ارمان احمەتقانوۆ.
جوبانى جٷزەگە اسىرۋ ٷشٸن ينۆەستور ٶز قالتاسىنان 300 ملن تەڭگە جۇمساپ وتىر. دەگەنمەن ينۆەستورعا مەملەكەت تاراپىنان دا قولداۋ كٶرسەتٸلگەن. ينۆەستورلار ALAZONE ARENA جوباسى الداعى 3-4 جىلدا ٶزٸنٸڭ شىعىنىن اقتايدى دەگەن ويدا.
- ەر نەرسەگە ينۆەستيتسييا سالعاننان كەيٸن شىعىندى اقتاۋ جاعىن ويلايمىز عوي ەندٸ. الداعى 3-4 جىلدا جوبا ٶزٸن ٶزٸ اياقتايدى دەگەن ويدامىز. بيىل كوروناۆيرۋس سيياقتى ٸندەت كەدەرگٸ بولماسا, ەڭبەگٸمٸزدٸڭ جەمٸسٸن كٶرەتٸن شىعارمىز,- دەيدٸ ارمان احمەتقانوۆ.
دەرەككٶز: altaynews.kz
