Úrjar aýdany ákiminiń qatysýymen kezdesýdiń basty oqiǵasy zamanaýi servistik ákimdiktiń tusaýkeseri boldy. Ol azamattar úshin qolaily jaǵdai jasaý arqyly jańǵyrtylǵan formatta jumys isteidi, onda: kútý zaly, keńes berý alańy, ózine-ózi qyzmet kórsetý buryshy, aqparattyq stendter, WI-Fi jelisi, balalar buryshy bar jáne múmkindigi shekteýli jandarǵa yńǵaily jaǵdailar qarastyrylǵan. Munda árbir azamat sáýlet jáne aýdan qurylysy, jer qatynastary, áleýmettik sala jáne basqa da qyzyqtyratyn máseleler boiynsha qajetti qyzmetter men keńester ala alady.
Úrjar aýdanynyń «ASHYQ AKIMDIK» qyzmeti ashyqtyq, qol jetimdilik, eseptilik jáne tutynýshyǵa eń basty baǵyt-baǵdar kórsetý ustanymdary boiynsha jumys isteidi. Bul logotip Shyǵys Qazaqstannyń búkil aýmaǵynda biryńǵai bolyp tabylady jáne onyń turǵyndarynyń tanymal brendine ainalady.
Esterińizge sala keteiik, Memleket basshysynyń tapsyrmasyna sáikes, ShQO ákimdigimen jáne sybailas jemqorlyqqa qarsy qyzmetimen osy baǵytta belsendi jumys júrgizýde. Máselen, servistik ákimdikterdiń ashylýy jergilikti atqarýshy organdar qyzmeti arqyly turǵyndar úshin qoljetimdi ári ashyq bolady, bul halyqtyń memlekettik organdarǵa degen senimin arttyrýǵa múmkindik beredi.
Sonymen qatar, E.Jalmaǵambet Úrjar aýdanynyń ákimi N.Toqseitovtyń tóraǵalyǵymen ótken selektorlyq keńeske aýdan ákiminiń orynbasarlary, apparat basshysy, derbes bólimderdiń basshylary, sondai-aq 27 aýyldyq okrýg ákimderi ZOOM platformasy arqyly on-line rejiminde qatysty.
Oblystyq sybailas jemqorlyqqa qarsy qyzmet departamentiniń basshysy óz baiandamasynda baǵynyshtylardyń sybailas jemqorlyq quqyq buzýshylyǵyn jasaǵany úshin birinshi basshylardyń derbes jaýapkershiligi boiynsha zańnamalyq túzetýlerge egjei-tegjeili toqtalyp, qatysýshylarǵa memlekettik mekeme basshylary men qyzmetkerleri tarapynan sybailas jemqorlyq quqyq buzýshylyqtaryna jol bermeý týraly eskertti. Sondai-aq, biýdjet qarajatyn maqsatty jumsaý úshin jaýapkershilik, únemdeý qajettiligi jáne Memlekettik satyp alý rásimderin qatań saqtaý týraly erekshe atap ótti.
«Bul sybailas jemqorlyq quqyq buzýshylyqtar úshin sanktsiialardyń pármendiligin arttyrady jáne olardy jasaǵany úshin qoǵamdyq qaýiptiń jazalanýyn qamtamasyz etýge múmkindik beredi», - dep atap ótti E.Jalmaǵambet.
Úrjar aýdanyna jumys sapary sońynda «ADALDYQ ALANY» jobasy aiasynda áleýmettik baǵdarlamalar bólimi, jumyspen qamtý ortalyǵy jáne AHAT bólimderimen jumys jasaityn front-keńseniń jumysymen tanysty.
Jumystyń osy formaty Memleket pen qoǵam arasyndaǵy qashyqtyqty qysqartýǵa jáne saiyp kelgende qyzmetterdi alýdyń jedeldigi men yńǵailylyǵyn arttyrýǵa múmkindik beredi.
Oblystyń sybailas jemqorlyqqa qarsy qyzmeti basshysynyń aitýynsha, memlekettik organdarda front-keńselerdi ashý jáne nasihattaý – bul memlekettik apparat qyzmetiniń sybailas jemqorlyq táýekelderin azaitýda jáne transformatsiialaýda úlken qadam.
