Abai oblysy ákimi Berik Ýáli aýdanǵa jumys sapary barysynda Sholpan aýylyndaǵy «Bereke» sharýa qojalyǵynyń jumysymen tanysty.
Jeke kásipker Bekzat Baimuhametuly jeke óz qarajaty esebinen jalpy quny 55 million teńgeni quraityn taýarly balyq jáne qus sharýashylyǵyn damytýdy qolǵa aldy. Qojalyqta negizinen aq amýr men tuqy balyǵy ósiriledi.
Qazirgi tańda 2 gektar aýmaqqa toǵan salynyp, 20 myń dana shabaq jiberilgen. Joba sheńberinde qonaqúi salynǵan.
Búginde úi qustaryna arnalǵan qoranyń qurylysy júrgizilip jatyr. Jobaǵa 16 gektar jer bólingen. Al óndiristik nysanda 5 adam jumyspen qamtylatyn bolady. Jalpy Úrjar aýdanynda osy ispettes 3 jobany iske qosý josparlanyp otyr.
Kásipker jobany tolyq iske qosý úshin eki baǵytta memlekettik qoldaýǵa muqtaj ekenin jetkizdi. Oblys ákimine óndiristik aimaqqa elektr jaryǵyn tartýǵa, «Aýyl amanaty» baǵdarlamasy sheńberinde 2,5 paiyzdyq jeńildetilgen nesie alýǵa kómek kórsetýdi surady.
Aimaq basshysy jobanyń mańyzyn atap ótip, kásipkerge memlekettik baǵdarlamalar aiasynda kómek kórsetiletin aitty.
