Abaı oblysy, Úrjar aýdanynyń Úrjar aýylyndaǵy áýejaıǵa alǵash ret «SCAT» áýe kompanıasynyń «CRJ-200» jolaýshylar ushaǵy qondy, – dep habarlaıdy Dalanews.kz
Aýdan turǵyndary buǵan deıin «AN-24» ushaǵymen qatynap kelgen bolatyn. Endi «Úrjar-Almaty» jáne «Úrjar-Astana» baǵyttary boıynsha turaqty áýe reısteri aptasyna 7 ret, ıaǵnı kún saıyn oryndalatyn bolady. Bul jergilikti turǵyndarǵa ǵana emes, Alakól men óńirdiń basqa da týrısik nysandaryna keletin qonaqtar úshin óte qolaıly. Áýe qatynasy memleket tarapynan sýbsıdıalanady. Sol sebepti bılet baǵasy da qoljetimdi.
Kanadada shyǵarylǵan «CRJ-200» ushaǵy 50 jolaýshyǵa shaqtalǵan. Áýe kemesi jaıly ári óńiraralyq baǵyttarǵa yńǵaıly.
Úrjar áýejaıyna «SCAT» áýe kompanıasynyń «CRJ-200» ushaǵynyń qonýy óńirdiń basqa aımaqtar úshin qoljetimdiligin arttyryp, kólik-logıstıka ınfraqurylymyn jańa deńgeıge shyǵarady.
Nege? Sebebi:
1) Kólik qatynasy: Burynǵy AN-24 ushaǵymen salystyrǵanda, jańa CRJ-200 zamanaýı, jaıly jáne senimdi.
2) Jolaýshylar aǵyny: Endi aptasyna 7 reıs (kún saıyn) Úrjar men Astana/Almaty arasyndaǵy baılanysty jańa sapaǵa kóteredi.
3) Áleýmettik áseri: Sýbsıdıalanǵan reıster óńir halqyna qoljetimdi, áleýmettik ádilettilik.
4) Týrızm: Alakólge keletin týrıser úshin qolaıly jaǵdaı jasap, demalys ındýstrıasyn yntalandyrady.
Pozıtıvti nátıje, bolashaq áleýet
Bul jańalyq tek kólik qatynasyna ǵana emes, sonymen qatar óńirlik ekonomıkanyń birneshe sektory úshin mýltıplıkatıvti áser beredi.
Birinshiden, jumyspen qamtý. Týrızm salasy men áýejaı qyzmetteri jańa jumys oryndaryn ashady.
Ekinshiden, shaǵyn jáne orta bıznes. Alakól mańyndaǵy qyzmet kórsetý salasy qarqyn alady. Úshinshiden, ınfraqurylym. Arbat pen jol, sanıtarlyq nysandar men qaýipsizdik júıesi jańartylyp jatyr. Iaǵnı, bul – keshendi oılastyrylǵan jumystyń kórinisi.
