UQK Jaqsylyq Omardyń qalai ustalǵanyn aityp, kórsetti, dep habarlaidy dalanews.kz.
2025 jyldyń sońynda Qazaqstan Respýblikasy Ulttyq qaýipsizdik komiteti Shyǵys Qazaqstan oblysy boiynsha departamentiniń jedel qyzmetkerleri Jaqsylyq Omardyń qaramaǵyndaǵy uiym qyzmetkerlerinen turaqty túrde aqsha talap etkeni týraly jedel aqparat alǵan.
Tergeý materialdaryna sáikes, Omar buryn ózine baǵynysty bolǵan qyzmetkerlerge mansaptyq ósýge kómektesetinin aityp, aqsha suraǵan. Al qarsylyq tanytqandardy qyzmetten bosatatynyn nemese laýazymyn tómendetetinin aityp qorqytqan. Aitylǵan adamdardyń barlyǵy onyń Óskemen qalasynyń ákimi bolǵan kezeńinde qaramaǵynda jumys istegen.
2026 jylǵy 4 aqpanda quqyq qorǵaý organdary qylmystyq shemany áshkereleý maqsatynda aqshanyń bir bóligin baqylaýdaǵy tártippen bergen. Osydan keiin Jaqsylyq Omardyń aqshany qalai alatynyn qujattaý boiynsha jedel is-sharalar júrgizilgen.
Tintý barysynda Óskemendegi jeke turǵyn úiinen qomaqty kólemdegi aqsha tárkilengen.
UQK málimetinshe, alǵashqy jaýap alý kezinde-aq Jaqsylyq Omar advokatynyń qatysýymen kinásin moiyndaǵan.
Tergeý barysynda qosymsha epizod anyqtalyp, ol boiynsha Sotqa deiingi tergep-tekserýdiń biryńǵai tizilimi-ne Qazaqstan Respýblikasynyń Qylmystyq kodeksiniń 24-babynyń 3-bóligi boiynsha, iaǵni laýazymdy tulǵanyń alaiaqtyq jasaý áreketi deregi engizilgen.
2026 jylǵy 1 sáýirde sot úkimimen Jaqsylyq Omar 6 jylǵa bas bostandyǵynan aiyrylǵan.
