ۇقك جاقسىلىق وماردىڭ قالاي ۇستالعانىن ايتىپ, كٶرسەتتٸ, دەپ حابارلايدى dalanews.kz.
2025 جىلدىڭ سوڭىندا قازاقستان رەسپۋبليكاسى ۇلتتىق قاۋٸپسٸزدٸك كوميتەتٸ شىعىس قازاقستان وبلىسى بويىنشا دەپارتامەنتٸنٸڭ جەدەل قىزمەتكەرلەرٸ جاقسىلىق وماردىڭ قاراماعىنداعى ۇيىم قىزمەتكەرلەرٸنەن تۇراقتى تٷردە اقشا تالاپ ەتكەنٸ تۋرالى جەدەل اقپارات العان.
تەرگەۋ ماتەريالدارىنا سەيكەس, ومار بۇرىن ٶزٸنە باعىنىستى بولعان قىزمەتكەرلەرگە مانساپتىق ٶسۋگە كٶمەكتەسەتٸنٸن ايتىپ, اقشا سۇراعان. ال قارسىلىق تانىتقانداردى قىزمەتتەن بوساتاتىنىن نەمەسە لاۋازىمىن تٶمەندەتەتٸنٸن ايتىپ قورقىتقان. ايتىلعان ادامداردىڭ بارلىعى ونىڭ ٶسكەمەن قالاسىنىڭ ەكٸمٸ بولعان كەزەڭٸندە قاراماعىندا جۇمىس ٸستەگەن.
2026 جىلعى 4 اقپاندا قۇقىق قورعاۋ ورگاندارى قىلمىستىق سحەمانى ەشكەرەلەۋ ماقساتىندا اقشانىڭ بٸر بٶلٸگٸن باقىلاۋداعى تەرتٸپپەن بەرگەن. وسىدان كەيٸن جاقسىلىق وماردىڭ اقشانى قالاي الاتىنىن قۇجاتتاۋ بويىنشا جەدەل ٸس-شارالار جٷرگٸزٸلگەن.
تٸنتۋ بارىسىندا ٶسكەمەندەگٸ جەكە تۇرعىن ٷيٸنەن قوماقتى كٶلەمدەگٸ اقشا تەركٸلەنگەن.
ۇقك مەلٸمەتٸنشە, العاشقى جاۋاپ الۋ كەزٸندە-اق جاقسىلىق ومار ادۆوكاتىنىڭ قاتىسۋىمەن كٸنەسٸن مويىنداعان.
تەرگەۋ بارىسىندا قوسىمشا ەپيزود انىقتالىپ, ول بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸ-نە قازاقستان رەسپۋبليكاسىنىڭ قىلمىستىق كودەكسٸنٸڭ 24-بابىنىڭ 3-بٶلٸگٸ بويىنشا, ياعني لاۋازىمدى تۇلعانىڭ الاياقتىق جاساۋ ەرەكەتٸ دەرەگٸ ەنگٸزٸلگەن.
2026 جىلعى 1 سەۋٸردە سوت ٷكٸمٸمەن جاقسىلىق ومار 6 جىلعا باس بوستاندىعىنان ايىرىلعان.
