Ulttyq qaýipsizdik komiteti 2023 jylǵy 6 qyrkúiekte júzege asyrǵan operatsiiasynyń aiasynda Soltústik Kiprden Qazaqstanǵa Eldos Qospaev bastaǵan qylmystyq toptyń 7 múshesi elge jetkizilgen.
Bul top buǵan deiin QR Qarjylyq monitoringi agenttigi reiderlik jasady, uiymdasqan qylmystyq top qurdy jáne oǵan qatysty degen kúdikpen halyqaralyq izdeý jariialaǵan bolatyn.
Tergeý málimetteri boiynsha, onyń músheleri qorqytý jáne zorlyq-zombylyq jasaý arqyly kásipkerlerdiń múlkin, olardyń kompaniialardaǵy úlesterin tartyp alǵan, sondai-aq, kóleńkeli biznespen ainalysqan.
UQK operatsiiasy sheńberinde sheteldik áriptestermen tyǵyz ózara is-qimyl jasai otyryp, top qatysýshylarynyń ornalasqan jeri anyqtalyp, ustaldy.
Kúdiktiler UQK "A" arnaiy maqsattaǵy qyzmetiniń jaýyngerleriniń aidaýylymen Astanaǵa jetkizildi jáne qylmystyq qýdalaý organynyń qyzmetkerlerine berildi.
Eske salaiyq, Almaty oblysynda Eldos Qospaevtyń ózi tutas bir shatqaldy basyp alyp, onda eshqandai ruqsatsyz naǵyz rancho turǵyzǵan. Bul múlikte ol jylqylaryn ǵana ustamaǵan. Úidegi haiýanattar baǵynda aiý, tipti afrikalyq arystandar juby bolǵan. Sándi úide mini-kinoteatr, bassein, sport zaly jáne banket zaly bar.
