ۇلتتىق قاۋىپسىزدىك كوميتەتى 2023 جىلعى 6 قىركۇيەكتە جۇزەگە اسىرعان وپەراسياسىنىڭ اياسىندا سولتۇستىك كيپردەن قازاقستانعا ەلدوس قوسپايەۆ باستاعان قىلمىستىق توپتىڭ 7 مۇشەسى ەلگە جەتكىزىلگەن.
بۇل توپ بۇعان دەيىن ق ر قارجىلىق مونيتورينگى اگەنتتىگى رەيدەرلىك جاسادى، ۇيىمداسقان قىلمىستىق توپ قۇردى جانە وعان قاتىستى دەگەن كۇدىكپەن حالىقارالىق ىزدەۋ جاريالاعان بولاتىن.
تەرگەۋ مالىمەتتەرى بويىنشا، ونىڭ مۇشەلەرى قورقىتۋ جانە زورلىق-زومبىلىق جاساۋ ارقىلى كاسىپكەرلەردىڭ مۇلكىن، ولاردىڭ كومپانيالارداعى ۇلەستەرىن تارتىپ العان، سونداي-اق، كولەڭكەلى بيزنەسپەن اينالىسقان.
ۇقك وپەراسياسى شەڭبەرىندە شەتەلدىك ارىپتەستەرمەن تىعىز ءوزارا ءىس-قيمىل جاساي وتىرىپ، توپ قاتىسۋشىلارىنىڭ ورنالاسقان جەرى انىقتالىپ، ۇستالدى.
كۇدىكتىلەر ۇقك "ا" ارنايى ماقساتتاعى قىزمەتىنىڭ جاۋىنگەرلەرىنىڭ ايداۋىلىمەن استاناعا جەتكىزىلدى جانە قىلمىستىق قۋدالاۋ ورگانىنىڭ قىزمەتكەرلەرىنە بەرىلدى.
ەسكە سالايىق، الماتى وبلىسىندا ەلدوس قوسپايەۆتىڭ ءوزى تۇتاس ءبىر شاتقالدى باسىپ الىپ، وندا ەشقانداي رۇقساتسىز ناعىز رانچو تۇرعىزعان. بۇل مۇلىكتە ول جىلقىلارىن عانا ۇستاماعان. ۇيدەگى حايۋاناتتار باعىندا ايۋ، ءتىپتى افريكالىق ارىستاندار جۇبى بولعان. ءساندى ۇيدە ميني-كينوتەاتر، باسسەين، سپورت زالى جانە بانكەت زالى بار.
