Ulttyq qaýipsizdik komiteti shekara qyzmeti azamat Serik Myrzaqululy Kúdebaevtiń (01.01.1965 j.t.) resmi jumys istep turǵan ótkizý pýnkteri arqyly Qazaqstan Respýblikasynyń memlekettik shekarasynan ótpegenin habarlady.
Búgingi kúni shektes memleketterdiń shekara ókilderi apparatymen birlese otyryp, tekserý taǵaiyndalǵan.
Aita keteiik, ol 3 sáýir kúni saǵat 10:00-de sotqa jetkizilýi tiis bolǵan. Biraq prokýror kúdiktini alyp kelý týraly qaýlyny oryndaý barysynda Serik Kúdebaevtiń elden ketip qalǵany týraly málimet usynǵan.
Keiinnen onyń 23 naýryz kúni Bishkek qalasyndaǵy Manas halyqaralyq áýejaiynan Túrkiianyń Stambul qalasyna ushyp ketkeni anyqtaldy.
Serik Kúdebaevtyń soty qańtar aiynda bastalǵan. Ol Qańtar oqiǵasy boiynsha kúdikti dep tanylǵan. Anyqtalǵandai, Almaty oblysynyń PD burynǵy basshysy “aýyr zardaptarǵa ákep soqtyrǵan qyzmettegi áreketsizdik” degen kúdikke ilingen.
Aiyptaýshy tarap Qańtar oqiǵasy kezinde jumys ornyn tastap ketken Almaty oblystyq politsiiasynyń burynǵy basshysyn 9 jylǵa bas bostandyǵynan aiyrýdy surap otyr.
Kúdebaev 2020 jyldyń qańtarynan bastap Almaty oblysynyń politsiia departamentiniń bastyǵy qyzmetin atqarǵan, al 2022 jyldyń 18 aqpanynda ishki ister organdarynan óz erkimen bosatyldy.
Kúdebaevtyń qorǵaýshysy Sáýle Ábjanova onyń qaida júrgeninen habarsyz bolyp shyqty.
“Azattyqqa” pikir bildirgen Ábjanova:
“Ol sońǵy sot otyrysyna qatysqan joq. Sol sebepti (ony) sotqa májbúrli túrde jetkizý týraly sheshim qabyldanǵan. Biz onyń ornalasqanyn jerin bilmeimiz”, – dedi.
DALA INSIDE telegram arnasy Serik Kúdebaevtyń qaida jasyrynǵanyn habarlaǵan edi. Tolyq aqparat siltemede: https://t.me/dalainside/1231
