Nurjan Qusaıynov Ulttyq qaýipsizdik komıtetiniń Sybaılas jemqorlyqqa qarsy is-qımyl qyzmetiniń dırektory bolyp taǵaıyndaldy, dep habarlaıdy Dalanews.kz.

"Memleket basshysynyń ókimimen Nurjan Maratuly Qusaıynov Qazaqstan Respýblıkasy Ulttyq qaýipsizdik komıtetiniń Sybaılas jemqorlyqqa qarsy is-qımyl qyzmetiniń dırektory laýazymyna taǵaıyndaldy", - dep jazylǵan habarlamada.

Aıta keteıik, buǵan deıin Qazaqstanda Antıkor men UQK biriktiriletini belgili boldy. Prezıdent "Memlekettik basqarý júıesin jetildirý jónindegi sharalar týraly" jarlyqqa qol qoıdy:

• Ulttyq qaýipsizdik komıtetine qosý arqyly Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmet) qaıta uıymdastyrylsyn.
• Ulttyq qaýipsizdik komıtetiniń vedomstvosy – Ulttyq qaýipsizdik komıtetiniń Sybaılas jemqorlyqqa qarsy is-qımyl qyzmeti (budan ári – qyzmet) qurylsyn.
• Qaıta uıymdastyrylǵan Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmettiń) fýnksıalary men ókilettikteri Qazaqstan Respýblıkasy Memlekettik qyzmet isteri agenttigine berilsin.