نۇرجان قۇسايىنوۆ ۇلتتىق قاۋٸپسٸزدٸك كوميتەتٸنٸڭ سىبايلاس جەمقورلىققا قارسى ٸس-قيمىل قىزمەتٸنٸڭ ديرەكتورى بولىپ تاعايىندالدى, دەپ حابارلايدى Dalanews.kz.
"مەملەكەت باسشىسىنىڭ ٶكٸمٸمەن نۇرجان ماراتۇلى قۇسايىنوۆ قازاقستان رەسپۋبليكاسى ۇلتتىق قاۋٸپسٸزدٸك كوميتەتٸنٸڭ سىبايلاس جەمقورلىققا قارسى ٸس-قيمىل قىزمەتٸنٸڭ ديرەكتورى لاۋازىمىنا تاعايىندالدى", - دەپ جازىلعان حابارلامادا.
ايتا كەتەيٸك, بۇعان دەيٸن قازاقستاندا انتيكور مەن ۇقك بٸرٸكتٸرٸلەتٸنٸ بەلگٸلٸ بولدى. پرەزيدەنت "مەملەكەتتٸك باسقارۋ جٷيەسٸن جەتٸلدٸرۋ جٶنٸندەگٸ شارالار تۋرالى" جارلىققا قول قويدى:
- ۇلتتىق قاۋٸپسٸزدٸك كوميتەتٸنە قوسۋ ارقىلى سىبايلاس جەمقورلىققا قارسى ٸس-قيمىل اگەنتتٸگٸ (سىبايلاس جەمقورلىققا قارسى قىزمەت) قايتا ۇيىمداستىرىلسىن.
- ۇلتتىق قاۋٸپسٸزدٸك كوميتەتٸنٸڭ ۆەدومستۆوسى – ۇلتتىق قاۋٸپسٸزدٸك كوميتەتٸنٸڭ سىبايلاس جەمقورلىققا قارسى ٸس-قيمىل قىزمەتٸ (بۇدان ەرٸ – قىزمەت) قۇرىلسىن.
- قايتا ۇيىمداستىرىلعان سىبايلاس جەمقورلىققا قارسى ٸس-قيمىل اگەنتتٸگٸنٸڭ (سىبايلاس جەمقورلىققا قارسى قىزمەتتٸڭ) فۋنكتسييالارى مەن ٶكٸلەتتٸكتەرٸ قازاقستان رەسپۋبليكاسى مەملەكەتتٸك قىزمەت ٸستەرٸ اگەنتتٸگٸنە بەرٸلسٸن.
