Prezidenttik jastar kadr rezervine qabyldanǵandardyń tizimi jariialandy, dep habarlaidy Dalanews.kz.
Úmitkerler myna 6 baǵyt boiynsha irikteýden ótken:
- "Agroónerkásiptik keshen jáne qorshaǵan ortany qorǵaý" baǵyty boiynsha
- "Áleýmettik saiasat, azamattyq qoǵam" baǵyty boiynsha
- "Infraqurylymdy, ónerkásipti damytý jáne saýda saiasaty" baǵyty boiynsha
- "Syrtqy saiasat jáne investitsiialar" baǵyty boiynsha
- "Ekonomikalyq jáne qarjylyq saiasat" baǵyty boiynsha
- "Tsifrlandyrý" baǵyty boiynsha
Tizimge engen keibir azamattarǵa sholý jasap kórdik:
- ál-Farabi atyndaǵy Qazaq ulttyq ýniversitetiniń himiia jáne himiialyq tehnologiia fakýltetiniń aǵa oqytýshysy Kamilla Ábdildina "Agroónerkásiptik keshen jáne qorshaǵan ortany qorǵaý" baǵyty boiynsha 2025 jylǵy Prezidenttik jastar kadr rezervine qabyldanǵan. Kamilla Ábdildina 29 jasta. 2025 jyly Memleket basshysynyń tapsyrmasymen Kamilla Ábdildinaǵa Almaty qalasynan turǵyn úi berilgen. Ol – tórt balanyń anasy.
- Tizimde tanymal jýrnalist Abai Seifýllaulynyń da esimi bary kórinedi. Ol Abay Live YouTube arnasyn júrgizedi.
- 2025 jylǵa arnalǵan rezerv quramyna engenderdiń biri - Almagúl Anýarbekova. Ol eńbek jolyn 2019 jyly Jezqazǵan qalasyndaǵy №24 mektepte himiia páni muǵalimi bolyp bastaǵan. Qazir №24 mektep direktorynyń tárbie isi jónindegi orynbasary.
Aita keteiik, biyl bir orynǵa shamamen 148 adam baq synaǵan. Bul kórsetkish 2023 jylmen salystyrǵanda 16%-ǵa ósti. Biyl 31 myńnan asa úmitkerdiń ishinen 7 436 adam iriktelip, alty kezeńnen 50 maman súrinbei ótken.
