پرەزيدەنتتىك جاستار كادر رەزەرۆىنە قابىلدانعانداردىڭ ءتىزىمى جاريالاندى، دەپ حابارلايدى Dalanews.kz.
ۇمىتكەرلەر مىنا 6 باعىت بويىنشا ىرىكتەۋدەن وتكەن:
- "اگروونەركاسىپتىك كەشەن جانە قورشاعان ورتانى قورعاۋ" باعىتى بويىنشا
- "الەۋمەتتىك ساياسات، ازاماتتىق قوعام" باعىتى بويىنشا
- "ينفراقۇرىلىمدى، ونەركاسىپتى دامىتۋ جانە ساۋدا ساياساتى" باعىتى بويىنشا
- "سىرتقى ساياسات جانە ينۆەستيسيالار" باعىتى بويىنشا
- "ەكونوميكالىق جانە قارجىلىق ساياسات" باعىتى بويىنشا
- "سيفرلاندىرۋ" باعىتى بويىنشا
تىزىمگە ەنگەن كەيبىر ازاماتتارعا شولۋ جاساپ كوردىك:
- ءال-فارابي اتىنداعى قازاق ۇلتتىق ۋنيۆەرسيتەتىنىڭ حيميا جانە حيميالىق تەحنولوگيا فاكۋلتەتىنىڭ اعا وقىتۋشىسى كاميللا ءابدىلدينا "اگروونەركاسىپتىك كەشەن جانە قورشاعان ورتانى قورعاۋ" باعىتى بويىنشا 2025 جىلعى پرەزيدەنتتىك جاستار كادر رەزەرۆىنە قابىلدانعان. كاميللا ءابدىلدينا 29 جاستا. 2025 جىلى مەملەكەت باسشىسىنىڭ تاپسىرماسىمەن كاميللا ءابدىلديناعا الماتى قالاسىنان تۇرعىن ءۇي بەرىلگەن. ول – ءتورت بالانىڭ اناسى.
- تىزىمدە تانىمال جۋرناليست اباي سەيفۋللا ۇلىنىڭ دا ەسىمى بارى كورىنەدى. ول Abay Live YouTube ارناسىن جۇرگىزەدى.
- 2025 جىلعا ارنالعان رەزەرۆ قۇرامىنا ەنگەندەردىڭ ءبىرى - الماگۇل انۋاربەكوۆا. ول ەڭبەك جولىن 2019 جىلى جەزقازعان قالاسىنداعى №24 مەكتەپتە حيميا ءپانى ءمۇعالىمى بولىپ باستاعان. ءقازىر №24 مەكتەپ ديرەكتورىنىڭ تاربيە ءىسى جونىندەگى ورىنباسارى.
ايتا كەتەيىك، بيىل ءبىر ورىنعا شامامەن 148 ادام ب ا ق سىناعان. بۇل كورسەتكىش 2023 جىلمەن سالىستىرعاندا 16%-عا ءوستى. بيىل 31 مىڭنان اسا ۇمىتكەردىڭ ىشىنەن 7 436 ادام ىرىكتەلىپ، التى كەزەڭنەن 50 مامان سۇرىنبەي وتكەن.
