Unico Play onlaın-kınoteatry Shabyt Lab atty jańa formattaǵy senarıler pıchıngi jobasyn iske qosady. Bul qysqametrajdy fılmderge arnalǵan baıqaý ǵana emes, qatysýshylardyń ıdeıadan bastap daıyn fılmge deıingi joldy tájirıbeli mentormen birge ótetin shyǵarmashylyq zerthana, – dep habarlaıdy Dalanews.kz
Jobanyń basty ereksheligi — kásibı rejıserler, prodúserler men operatorlardyń jas avtorlarmen birlesip jumys isteýi. Olar óz tájirıbesimen bólisip, jańa esimderge qoldaý kórsetedi. Mentorlar qatarynda: Anara Jýnýsova (CEO Uni-Q, prodúser; "Malaı", "Prıgovor", "Chórnyı dvor"), Adılhan Erjanov (rejıser, senarıst; "Chórnyı, chórnyı chelovek", "Golıaf", "Dala qasqyry"), Qýanysh Beısek (rejıser, prodúser; "Dástúr"), Aıjan Qasymbek (rejıser, senarıst; "Madına", "Ot"), Aıtóre Joldasqalı (rejıser; "Sheker", "SHULAMAH"), Erkebýlan Kýrıshbaev (Qara stýdıasynyń bas prodúseri; "OYU", "Qash", "Zere"), Erkınbek Ptyralıev (kınooperator; "Jóltaıa koshka", "Dala qasqyry", "Kadet") jáne Darhan Týlegenov (rejıser, senarıst; "Bratá", "Sheker. Poslednıı shans").
Ár mentor ózine unaǵan bir senarıdi tańdaıdy. Sol sátten bastap shyǵarmashylyq seriktestik bastalady. Qatysýshylar senarı jazýdan bastap túsirilim men montajǵa deıingi búkil prosesti mentorlarmen jáne Unico Play shyǵarmashylyq tobymen birge ótedi. Sondaı-aq joba aıasynda kıno salasynyń túrli baǵyttary boıynsha: senarıden bastap fılmdi ekranǵa shyǵarý taqyryptaryn qamtıtyn master-klasstar ótedi. Bul kezdesýler bir Shabyt Lab-tyń seriktesi Sham shyǵarmashylyq mektebiniń alańynda uıymdastyrylady.
Ótinimder 2025 jyldyń 30 mamyry men 15 shildesi aralyǵynda shabytlab.unicoplay.com saıtynda qabyldanady. Baıqaýǵa 16 jastan asqan Qazaqstan azamattary qatysa alady. Kıno salasynda tájirıbe mindetti emes — naqty ıdeıa, 5–12 mınýttyq senarı jáne shynaıy ynta jetkilikti. Týyndylar keıipkerler sany az, lokasıalar qoljetimdi, túsirilim 1–3 kúnde júzege asýy tıis. Senarıler qazaq, orys jáne aǵylshyn tilderinde qabyldanady.
Joba jeltoqsanda qatysýshylar túsirgen fılmderdiń jabyq kórsetilimimen aıaqtalady. Eń úzdik jumystar halyqaralyq kınofestıvalderge qatysý múmkindigine ıe bolady.
«Shabyt Lab — bul jaı ǵana baıqaý emes. Bul — tájirıbe men shabyttyń toǵysatyn orny. Bul jobany qolǵa alýymnyń sebebi — ındýstrıada birigýdiń, qoldaýdyń mańyzy zor ekenine senemin. Biz bul jobany jańa esimderge jol ashý úshin jasap otyrmyz. Indýstrıa damýy úshin daryndarǵa múmkindikter jasaýymyz kerek», — deıdi Uni-Q kompanıasynyń SEO-sy Anara Jýnýsova.
«Anar mentor bolýdy usynǵanda, bul usynysty qabyldamasqa bolmaıtynyn túsindim. Debútantpen birge ıdeıadan daıyn fılmge deıingi joldan ótý qyzyq tájirıbe. Bul ózim úshin de prodúser retinde bir synaq. Biz kınoǵa shynymen ǵashyq, tyń ıdeıasy bar avtorlardy tabamyz dep oılaımyn», — deıdi Adılhan Erjanov.
«Men qatysýshylardan erekshe kózqaras kútemin. Keıde solardyń energıasynan óziń de shabyt alasyń. Eger bireýdiń joly osy jobamen bastalsa — bul eń jaqsy nátıje», — deıdi Qýanysh Beısek.
«Joba týraly alǵash bilgende, oıyma kelgeni — qatysýshylardyń joly boldy! Óıtkeni men ózim kezinde bárin jalǵyz istedim. Qazir sol tájirıbeni bólisýge daıynmyn. Batyl, jarqyn, ıdeıasyna shyn senetin rejıserlerdi kútemin», — deıdi Aıjan Qasymbek.
«Shabyt Lab — bul jańa esimderdi ashatyn naqty múmkindik. Men shynaıy ári kópshilikke túsinikti kıno túsirgisi keletin jas mamandarmen jumys istegim keledi, melodrama janryndaǵy fılm túsirgim keledi. Bul jobanyń basty artyqshylyǵy — jalǵyz júrgende kóp ýaqyt alatyn joldy qysqarta alatynynda», — deıdi Erkebýlan Kýrıshbaev.
Shabyt Lab — kıno álemine alǵashqy naqty qadamyńyzdy senimdi ortada, tájirıbeli mamandarmen birge bastaýǵa arnalǵan múmkindik.
Jańalyqtar men barlyq jańartýlardy shabytlab.unicoplay.com saıtynan oqyp otyryńyz.
