Kezdesý barysynda M.Myrzaliev Túrkistan oblysyndaǵy birqatar qoljetimdi jobalardy tanystyryp, óńirdiń investitsiialyq múmkindikteri men qazirgi turmys-tirshiligi jaiynda tolyqqandy aqparat berdi.
Aimaqtyń múmkindikterinen habardar bolǵan «Chaudhary Group (CG Global)» kompaniiasynyń ókilderi birqatar jobalardy júzege asyrýǵa nietti ekendikterin bildirdi. Atap aitqanda, qonaqtar «Qasqasý» taý-shańǵy kýrortyn salyp, soǵan laiyq qonaq úiler men infaqurylym júielerin tartpaq. Jobany júzege asyrý úshin Ispaniia nemese Shveitsariiadan tájiribeli mamandardy tartýdy kózdep otyr. Sonymen qatar, Túrkistan óńirinen qonaq úi alyp, kespe ónimderiniń óndirisin keńeitý jáne óńirde «Food Park» azyq-túlik parkin qurýdy aqyldasty.
Sondai-aq, jiyn barysynda «Chaudhary Group (CG Global)» ókilderi Túrkistan oblysyna arnaiy jumys saparymen keletinderin aitty. Is sapar aiasynda olar Qazyǵurt aýdanynyń indýstrialdy aimaǵynda bolyp, ondaǵy tez daiyndalatyn kespe óndirisi boiynsha zaýyt qurylysynyń barysymen tanysady. Aita keteiik, zaýyt 2019 jyldyń 1 shildesinde tolyq iske qosylady dep josparlanǵan. Jobanyń investitsiialyq quny 15 mln. AQSh dollaryn quraidy. Óndirilgen kespe ónimderi Resei, Ózbekstan jəne Qyrǵyzstan siiaqty kórshiles elderge eksporttaý kózdelýde.
Túrkistan oblysy ákiminiń baspasóz qyzmeti
