كەزدەسۋ بارىسىندا م.مىرزالييەۆ تۇركىستان وبلىسىنداعى ءبىرقاتار قولجەتىمدى جوبالاردى تانىستىرىپ، ءوڭىردىڭ ينۆەستيسيالىق مۇمكىندىكتەرى مەن قازىرگى تۇرمىس-تىرشىلىگى جايىندا تولىققاندى اقپارات بەردى.
ايماقتىڭ مۇمكىندىكتەرىنەن حاباردار بولعان «Chaudhary Group (CG Global)» كومپانياسىنىڭ وكىلدەرى ءبىرقاتار جوبالاردى جۇزەگە اسىرۋعا نيەتتى ەكەندىكتەرىن ءبىلدىردى. اتاپ ايتقاندا، قوناقتار «قاسقاسۋ» تاۋ-شاڭعى كۋرورتىن سالىپ، سوعان لايىق قوناق ۇيلەر مەن ينفاقۇرىلىم جۇيەلەرىن تارتپاق. جوبانى جۇزەگە اسىرۋ ءۇشىن يسپانيا نەمەسە شۆەيساريادان تاجىريبەلى مامانداردى تارتۋدى كوزدەپ وتىر. سونىمەن قاتار، تۇركىستان وڭىرىنەن قوناق ءۇي الىپ، كەسپە ونىمدەرىنىڭ ءوندىرىسىن كەڭەيتۋ جانە وڭىردە «Food Park» ازىق-تۇلىك پاركىن قۇرۋدى اقىلداستى.
سونداي-اق، جيىن بارىسىندا «Chaudhary Group (CG Global)» وكىلدەرى تۇركىستان وبلىسىنا ارنايى جۇمىس ساپارىمەن كەلەتىندەرىن ايتتى. ءىس ساپار اياسىندا ولار قازىعۇرت اۋدانىنىڭ يندۋستريالدى ايماعىندا بولىپ، ونداعى تەز دايىندالاتىن كەسپە ءوندىرىسى بويىنشا زاۋىت قۇرىلىسىنىڭ بارىسىمەن تانىسادى. ايتا كەتەيىك، زاۋىت 2019 جىلدىڭ 1 شىلدەسىندە تولىق ىسكە قوسىلادى دەپ جوسپارلانعان. جوبانىڭ ينۆەستيسيالىق قۇنى 15 ملن. اقش دوللارىن قۇرايدى. وندىرىلگەن كەسپە ونىمدەرى رەسەي، وزبەكستان جانە قىرعىزستان سياقتى كورشىلەس ەلدەرگە ەكسپورتتاۋ كوزدەلۋدە.
تۇركىستان وبلىسى اكىمىنىڭ باسپا ءسوز قىزمەتى
