Semeide kámeletke tolmaǵan jasóspirim ulttyq alaýyzdyqty qozdyrǵany úshin sottaldy, dep habarlaidy Dalanews.kz.
Abai oblysynyń kámeletke tolmaǵandardyń isteri jónindegi mamandandyrylǵan aýdanaralyq soty ulttyq alaýyzdyqty qozdyrdy dep aiyptalǵan jasóspirimge qatysty qylmystyq isti qarady.
Sot málimetinshe, 2025 jyly aqpanda kámeletke tolmaǵan B. násilshil "skinhedter" qozǵalysynyń kózqarasyn qoldap, Telegram messendjerinde Skinheads industries-Semey atty chat qurǵan.
Ol toptyń ákimshisi retinde adamdardy ulttyq belgisi boiynsha kemsitetin, sonyń ishinde Úndistannan kelgen stýdentter men olardyń mádenietin qorlaityn mátin jáne aýdiohabarlamalar jariialaǵan.
Sonymen qatar, jasóspirim chat qatysýshylaryn óz kózqarasyn qoldaýǵa jáne basqa adamdardy, sonyń ishinde kámeletke tolmaǵandardy da osy qaýymdastyqqa tartýǵa shaqyrǵan. Jasóspirim óz kinásin tolyq moiyndap, jasaǵan isine ókinish bildirgen.
Sot B.-ǵa 1 jyl 4 ai merzimge bas bostandyǵyn shekteý jazasyn taǵaiyndady. Sot úkimi zańdy kúshine endi.
