Saýd Arabiiasynyń Qajylyq jáne ýmra isteri ministrligi ýmra qajylyǵyn óteýge arnalǵan bir jyldyq kóp mártelik vizany engizgenin málimdedi, dep habarlaidy dalanews.kz.
Jańa viza ielerine berilgen kúnnen bastap 365 kún ishinde Saýd Arabiiasyna birneshe ret kirýge múmkindik beriledi. Viza qoldanylatyn búkil merzimde elde jalpy 90 kúnge deiin bolýǵa ruqsat etiledi.
Ministrlik málimetinshe, bul jańashyldyq qajylardyń saparyn jeńildetip, sapar ýaqytyn ońtaily josparlaýǵa jaǵdai jasaidy. Elde bolý merzimi jinaqtaý qaǵidatymen esepteledi. Iaǵni árbir kirý kezinde naqty bolǵan kúnder jalpy 90 kúnnen shegeriledi.
Ár sapar aldynda qajylar Nusuk platformasy arqyly akkredittelgen qyzmet kórsetýshilerdiń birinen qyzmet paketin satyp alyp, sondai-aq, osy ataýdaǵy mobildi qosymsha arqyly ýmra jasaýǵa aldyn ala ruqsat rásimdeýi kerek. Barlyq talap oryndalǵan jaǵdaida ǵana elge kirýge ruqsat beriledi.
Ministrlik ár joly elden shyqqannan keiin vizanyń kúshi ýaqytsha toqtatylatynyn, kelesi sapar aldynda qajet uiymdastyrý rásimderi aiaqtalǵan soń qaita iske qosylatynyn málimdedi.
