ساۋد ارابيياسىنىڭ قاجىلىق جەنە ۋمرا ٸستەرٸ مينيسترلٸگٸ ۋمرا قاجىلىعىن ٶتەۋگە ارنالعان بٸر جىلدىق كٶپ مەرتەلٸك ۆيزانى ەنگٸزگەنٸن مەلٸمدەدٸ, دەپ حابارلايدى dalanews.kz.
جاڭا ۆيزا يەلەرٸنە بەرٸلگەن كٷننەن باستاپ 365 كٷن ٸشٸندە ساۋد ارابيياسىنا بٸرنەشە رەت كٸرۋگە مٷمكٸندٸك بەرٸلەدٸ. ۆيزا قولدانىلاتىن بٷكٸل مەرزٸمدە ەلدە جالپى 90 كٷنگە دەيٸن بولۋعا رۇقسات ەتٸلەدٸ.
مينيسترلٸك مەلٸمەتٸنشە, بۇل جاڭاشىلدىق قاجىلاردىڭ ساپارىن جەڭٸلدەتٸپ, ساپار ۋاقىتىن وڭتايلى جوسپارلاۋعا جاعداي جاسايدى. ەلدە بولۋ مەرزٸمٸ جيناقتاۋ قاعيداتىمەن ەسەپتەلەدٸ. ياعني ەربٸر كٸرۋ كەزٸندە ناقتى بولعان كٷندەر جالپى 90 كٷننەن شەگەرٸلەدٸ.
ەر ساپار الدىندا قاجىلار Nusuk پلاتفورماسى ارقىلى اككرەديتتەلگەن قىزمەت كٶرسەتۋشٸلەردٸڭ بٸرٸنەن قىزمەت پاكەتٸن ساتىپ الىپ, سونداي-اق, وسى اتاۋداعى موبيلدٸ قوسىمشا ارقىلى ۋمرا جاساۋعا الدىن الا رۇقسات رەسٸمدەۋٸ كەرەك. بارلىق تالاپ ورىندالعان جاعدايدا عانا ەلگە كٸرۋگە رۇقسات بەرٸلەدٸ.
مينيسترلٸك ەر جولى ەلدەن شىققاننان كەيٸن ۆيزانىڭ كٷشٸ ۋاقىتشا توقتاتىلاتىنىن, كەلەسٸ ساپار الدىندا قاجەت ۇيىمداستىرۋ رەسٸمدەرٸ اياقتالعان سوڭ قايتا ٸسكە قوسىلاتىنىن مەلٸمدەدٸ.
