Ulytaý oblysynda ótken aýyldyq spartakiadanyń finaly jeńimpazdardy marapattaýmen emes, jappai tóbelespen aiaqtaldy, dep habarlaidy dalanews.kz.
Aldyn ala málimet boiynsha janjal qazaq kúresinen ótken finaldyq beldesýden keiin shyqqan. Jankúierlerdiń biri tóreshiler sportshyny jeńisten ádiletsiz aiyrdy dep eseptep, tóreshige shabýyl jasaǵan. Osydan keiin janjal jappai tóbeleske ulasqan.
Oqiǵaǵa jankúierler, sportshylar, jattyqtyrýshylar men tóreshiler qatysqan.
Politsiia bul derekke qatysty "Buzaqylyq" baby boiynsha qylmystyq is qozǵalǵanyn habarlady. Janjalǵa qatysqandardyń barlyǵy anyqtalyp, ustalǵan.
Aldyn ala málimetke sáikes oqiǵa saldarynan aýyr jaraqat alǵandar joq.
