2026 jyly «Energetikalyq jáne kommýnaldyq sektorlardy jańǵyrtý» ulttyq jobasyn iske asyrýǵa 625 mlrd teńge kóleminde qaryzdyq qarjylandyrý tartylady, dep habarlaidy dalanews.kz.
Bul týraly Úkimet otyrysynda Ulttyq ekonomika vitse-ministri Asan Darbaev málimdedi.
Onyń aitýynsha, 2026 jyly turǵyn úi-kommýnaldyq sharýashylyq salasyn qarjylandyrý kólemi 2025 jylmen salystyrǵanda eki esege ulǵaiǵan.
Vitse-ministrdiń sózinshe, ulttyq jobany qarjylandyrýǵa halyqaralyq qarjy institýttary, qazaqstandyq bankter jáne «Báiterek» ulttyq basqarýshy holdingi qatysady. Sonymen qatar jobaǵa jeke jáne sheteldik kapital tartylǵan.
Asan Darbaevtyń málimetinshe, 2026 jylǵa maquldanǵan qaryzdyq qarjylandyrýdyń jalpy kólemi 625 mlrd teńgeni quraidy. Qarjylandyrýǵa alty jetekshi halyqaralyq qarjy institýty qatysady.
Onyń aitýynsha, bul tetik uzaq merzimdi ári quny tómen qarjy resýrstaryn tartýǵa múmkindik beredi. Sonyń nátijesinde kommýnaldyq qyzmetterdiń ózindik qunyna túsetin júkteme azaiyp, salany jańǵyrtý jumystarynyń tiimdiligi artady.
