Ulttyq bank tsifrlyq aktivter naryǵyn damytý úshin salyqtyq jeńildikter engizýdi, steiblkoinderdi tólem quraly retinde paidalanýdy jáne kriptooperatsiialardy baqylaýdy kúsheitýdi usyndy, dep habarlaidy dalanews.kz.
Ulttyq bank tóraǵasy Timýr Súleimenovtiń aitýynsha, tsifrlyq aktivter indýstriiasyn damytý úshin litsenziialanǵan provaiderlerdiń fýnktsiialaryn keńeitý qajet. Olar tsifrlyq aktivterdi shyǵarý, satý, aiyrbastaý jáne saqtaý operatsiialaryn júrgize alady. Bul protseske bankter, brokerler jáne basqa da qarjy uiymdary tartylmaq.
Qazaqstanda shyǵarylǵan steiblkoinderdi taýarlar men qyzmetterge aqy tóleýde, eksporttyq-importtyq operatsiialarda jáne transshekaralyq aýdarymdarda paidalaný usynyldy.
Sonymen birge ortalyqtandyrylmaǵan qarjy, iaǵni DeFi sektoryn retteý tásilderin ázirleý josparlanyp otyr. Ulttyq bank tsifrlyq maining úshin jalpy energetikalyq júiege qosymsha salmaq túsirmeitin avtonomdy jáne jańartylatyn energiia kózderin paidalanýdy usyndy.
Salyq salý boiynsha 2026-2028 jyldary qazaqstandyq provaiderler arqyly júrgizilgen operatsiialardan jeke tulǵalardyń kirisin jeke tabys salyǵynan bosatý usynyldy.
Ulttyq bank janynan Tsifrlyq aktivter jáne tólem júieleri komitetin qurý josparlanyp otyr. Onyń quzyretine saiasat ázirleý, litsenziialaý, qadaǵalaý, taldaý jáne innovatsiialyq jobalardy súiemeldeý kiredi.
Budan bólek, Alatau City-de naqty aktivterdi tokendeý jobalary ázirlenip jatyr. Jyl sońyna deiin Iconic Tower keshenin $50 mln-ǵa deiingi somaǵa jáne quny $10 mln-ǵa deiingi Birlik logistikalyq ortalyǵyn tokendeý josparlanǵan.
Tsifrlyq aktivter naryǵyn baqylaý úshin Ulttyq kriptoanalitika ortalyǵy qurylyp jatyr. Ol klientterdi, kriptoámiiandardy jáne tranzaktsiialardy taldap, Ulttyq banktiń Antifrod-ortalyǵymen integratsiialanady.
Súleimenov bankterdegi shamadan tys komplaens máselesin de kóterdi. Onyń aitýynsha, jeke klienttiń nemese bir operatsiianyń táýekeli litsenziialanǵan provaiderdiń barlyq shottaryn buǵattaýǵa sebep bolmaýy kerek. Shekteýler naqty táýekelge qarai qoldanylýǵa tiis.
Ulttyq bank tokendeýdi damytý úshin memlekettik baǵaly qaǵazdar, korporativtik obligatsiialar, jyljymaityn múlik, infraqurylymdyq jobalar jáne ken oryndary siiaqty aktivterdi tsifrlyq formatqa shyǵarýdy usyndy. Alǵashqy iri shyǵarylymdardy Qarjy ministrligi, «Samuryq-Qazyna», «Báiterek», KASE jáne Ortalyq depozitarii daiyndaýy qajet.
