Ulttyq bank bazalyq mólsherleme boiynsha qandai sheshim qabyldaǵany belgili boldy, dep habarlaidy dalanews.kz.
Ulttyq banktiń Aqsha-kredit saiasaty komiteti bazalyq mólsherlemeni +/-1 p.t. jyldyq 16,75% deńgeiinde belgileý týraly sheshim qabyldady.
Jyldyq infliatsiia toǵyz ai boiy tómendep, maýsymda 10,3% boldy. Azyq-túlik infliatsiiasy 10,7%-dan 10,4%-ǵa deiin tómendedi. Azyq-túlikke jatpaityn infliatsiia 11,7% deńgeiinde saqtaldy.
Ailyq infliatsiia maýsym aiynda 0,8%, al bazalyq infliatsiianyń maýsymdyq faktorlar eskerilmegen baǵalaý medianasy 0,9% boldy.
Aita keteiik, kezekti sheshim 4 qyrkúiekte Astana ýaqytymen saǵat 12:00-de jariialanady.
Bazalyq mólsherleme - Ulttyq bank belgileitin negizgi paiyzdyq kórsetkish. Ol arqyly bank sektorynyń jalpy baǵyty aiqyndalyp, eldegi nesie men infliatsiia deńgeiine áser etedi. Bul kórsetkish boiynsha Ulttyq bank kommertsiialyq uiymdarǵa qysqa merzimdi nesie beredi jáne olardyń qarajatyn depozit retinde qabyldaidy.
Qarapaiym tilmen aitqanda, bazalyq mólsherleme - el ekonomikasynyń "baǵdarshamy". Ony kóterse, nesie alý qymbattaidy, al túsirse kerisinshe arzan nesie alý múmkindigi artady. Osylaisha, Ulttyq bank osy tetik arqyly aqsha ainalymyn rettep, baǵa turaqtylyǵyn saqtaýǵa tyrysady.
