Ulttyq valiýtaǵa bailanǵan alǵashqy steiblkoin ainalymǵa engizildi. Resmi shara Ulttyq Bankte ótti. Ortalyq bank tóraǵasy Timýr Súleimenovtiń aitýynsha, jańa qural kriptovaliýtalardy aqshaǵa almastyrýdy yńǵaily etip, arnaiy kartalar arqyly saýda jasaýǵa múmkindik beredi, dep habarlaidy Dalanews.kz.
Onyń aitýynsha, ulttyq valiýtaǵa bailanǵan alǵashqy steiblkoinnyń paida bolýy qarjylyq qoljetimdilikti arttyrady jáne otandyq tsifrlyq aktivter naryǵynyń damýyn yntalandyrady.
"Steiblkoindar ulttyq valiýtalar siiaqty turaqty aktivterge bailanýy arqyly kriptovaliýta naryǵyn turaqtandyrýǵa kómektesedi. Joba jańa tehnologiialardy qoldanystaǵy qarjy infraqurylymyna integratsiialaýǵa jáne eldiń tsifrlyq innovatsiialar salasyndaǵy ustanymyn nyǵaitýǵa baǵyttalǵan", - dedi Ulttyq Bank tóraǵasy Timýr Súleimenov.
Steiblkoin-baǵasy belgili bir aktivke qatań bailanǵan kriptovaliýtanyń bir túri. Ol aqsha, altyn nemese basqa senimdi aktivter bolýy múmkin.
Buǵan deiin teńgemen qamtamasyz etilgen alǵashqy steiblkoin 2025 jyly 23 qyrkúiekte Astanada ainalymǵa qosylatynyn, onyń Ulttyq Banktiń "tsifrlyq qumsalǵyshy" sheńberinde ainalymǵa engiziletini habarlanǵan. Timýr Súleimenov jyl sońyna deiin elimizde teńgemen qamtamasyz etilgen úsh steiblkoindy iske qosý josparlap otyrǵanyn da aitqan bolatyn.
