2025 jyldyń sáýir aiynda Ulttyq statistika biýrosy jalaqy mólsheri boiynsha jyl saiynǵy qyzmetkerlerdiń jalaqysyna qatysty zertteý júrgizgeni belgili boldy. Onyń nátijesinde jumysshylardyń medianalyq jalaqysy 317 512 teńgeni qurady, dep habarlaidy Dalanews.kz.
"Ótken jyly mediana jalaqysy, iaǵni jalaqy mólsheriniń teń jartysynan joǵary jáne kerisinshe tómen bolatyn ortalyq kórsetkish 285 677 teńge bolǵan. Osylaisha, mediana jalaqysynyń mólsheri bir jyl ishinde 11,1% ósken", dep naqtylaidy biýrodaǵylar.
Orta bilimdi jumysshylardyń ai saiynǵy ortasha jalaqysy – 289 673 teńge, joǵary bilimdilerdiki – 497 563 teńge, al joǵary oqý ornynan keiingi bilim deńgeiindegi qyzmetkerlerdiń jalaqysy – 672 493 teńge boldy.
Aita ketsek, bul zertteý bir aida tolyq jumys istegen jumysshylardy qamtydy, sonyń ishinde barlyq iri kásiporyndar men iri kásipkerlik qyzmetpen ainalyspaityn orta jáne shaǵyn kásiporyndardyń 30% iriktep alyndy. 2025 jyldyń sáýir aiyna qatysty naqty jalaqy týraly málimetter barlyq qosymsha tólemder, ústemaqylar, syiaqylar, salyqtar men zeinetaqy aýdarymdaryn esepke aldy.
Zertteý qorytyndysy boiynsha tolyq ai jumys istegen jumysshylar sany atalǵan kásiporyndarda 3 338,3 myń adamdy qurady, olardyń 48,5%(1 620,7 myń adam) er adamdar, 51,5% (1 717,6 myń adam) - áielder.
