Kólik ministri Marat Qarabaev Astanadaǵy LRT qurylysyna Ulttyq Qordan qarjy bólingenin rastady, dep habarlaidy Dalanews.kz.
Aita keteiik, buǵan deiin Ulttyq ekonomika vitse-ministri atalǵan jobaǵa qajetti qarajattyń bir bóligi Ulttyq qordan alynǵanyn aitqan edi.
Osy tusta jýrnalister ministrge saýal joldady.
“Nelikten investor tartý qarastyrylmady? Qarjylandyrýdyń basqa kózderi qaraldy ma?” – dedi olar.
Marat Qarabaevtyń aitýynsha, biyl jobany aiaqtaý úshin qosymsha qarjy bólingen. Alaida onyń naqty qai kózden alynǵanyn jáne qandai investorlardyń qatysqanyn jergilikti bilik sheshken.
“Bul máselemen tolyqtai Astana ákimdigi ainalysty, sondyqtan qarjy kózderine qatysty egjei-tegjeili aqparat bere almaimyn. Jalpy, qurylys jumystary men onyń iske qosylýy ákimdiktiń quzyrynda”, – dep túsindirdi ministr.
Sonymen qatar, ol Ulttyq ekonomika ministrliginiń Ulttyq qordan qarjy bólingeni týraly málimetin rastady.
“Iá, belgili bir soma Ulttyq qordan bólindi. Óitkeni bul qarajatty bólý bizdiń ministrlik arqyly júzege asyryldy,” – dedi Marat Qarabaev.
