كولىك ءمينيسترى مارات قارابايەۆ استاناداعى LRT قۇرىلىسىنا ۇلتتىق قوردان قارجى بولىنگەنىن راستادى، دەپ حابارلايدى Dalanews.kz.
ايتا كەتەيىك، بۇعان دەيىن ۇلتتىق ەكونوميكا ۆيسە-مينيسترى اتالعان جوباعا قاجەتتى قاراجاتتىڭ ءبىر بولىگى ۇلتتىق قوردان الىنعانىن ايتقان ەدى.
وسى تۇستا جۋرناليستەر مينيسترگە ساۋال جولدادى.
“نەلىكتەن ينۆەستور تارتۋ قاراستىرىلمادى؟ قارجىلاندىرۋدىڭ باسقا كوزدەرى قارالدى ما؟” – دەدى ولار.
مارات قارابايەۆتىڭ ايتۋىنشا، بيىل جوبانى اياقتاۋ ءۇشىن قوسىمشا قارجى بولىنگەن. الايدا ونىڭ ناقتى قاي كوزدەن الىنعانىن جانە قانداي ينۆەستورلاردىڭ قاتىسقانىن جەرگىلىكتى بيلىك شەشكەن.
“بۇل ماسەلەمەن تولىقتاي استانا اكىمدىگى اينالىستى، سوندىقتان قارجى كوزدەرىنە قاتىستى ەگجەي-تەگجەيلى اقپارات بەرە المايمىن. جالپى، قۇرىلىس جۇمىستارى مەن ونىڭ ىسكە قوسىلۋى اكىمدىكتىڭ قۇزىرىندا”، – دەپ ءتۇسىندىردى مينيستر.
سونىمەن قاتار، ول ۇلتتىق ەكونوميكا مينيسترلىگىنىڭ ۇلتتىق قوردان قارجى بولىنگەنى تۋرالى مالىمەتىن راستادى.
“ءيا، بەلگىلى ءبىر سوما ۇلتتىق قوردان ءبولىندى. ويتكەنى بۇل قاراجاتتى ءبولۋ ءبىزدىڭ مينيسترلىك ارقىلى جۇزەگە اسىرىلدى،” – دەدى مارات قارابايەۆ.
