Qazaqstandyqtar eki jyl ishinde "Ulttyq qor – balalarǵa" baǵdarlamasy aıasynda 35 mln dollardan astam qarajatty paıdalanǵan, dep habarlaıdy Dalanews.kz.

Bul týraly Biryńǵaı jınaqtaýshy zeınetaqy qorynyń Qazaqparat agenttigine málimdedi.

2024 jylǵy 1 aqpan men 2026 jylǵy 1 aqpan aralyǵynda jalpy somasy 35,20 mln dollardy quraıtyn 223 785 ótinish oryndalǵan.

Qarajattyń basym bóligi turǵyn úı jaǵdaıyn jaqsartýǵa baǵyttalǵan. 139 759 ótinish boıynsha 22,09 mln dollar turǵyn úı maqsattaryna jumsalǵan. Al bilim berý shyǵyndaryna 84 026 ótinish aıasynda 13,11 mln dollar paıdalanyldy.

Turǵyn úı baǵyty boıynsha eń tanymal maqsat – turǵyn úı qurylys jınaq júıesindegi salymdardy tolyqtyrý. Bul maqsatqa 21,61 mln dollar baǵyttalǵan. Bilim berý baǵytynda qarajat kóbine Qazaqstandaǵy oqý oryndarynyń oqý aqysyn tóleýge paıdalanylyp, oǵan shamamen 12,15 mln dollar jumsaldy.