قازاقستاندىقتار ەكى جىل ىشىندە "ۇلتتىق قور – بالالارعا" باعدارلاماسى اياسىندا 35 ملن دوللاردان استام قاراجاتتى پايدالانعان، دەپ حابارلايدى Dalanews.kz.
بۇل تۋرالى ءبىرىڭعاي جيناقتاۋشى زەينەتاقى قورىنىڭ قازاقپارات اگەنتتىگىنە مالىمدەدى.
2024 جىلعى 1 اقپان مەن 2026 جىلعى 1 اقپان ارالىعىندا جالپى سوماسى 35،20 ملن دوللاردى قۇرايتىن 223 785 ءوتىنىش ورىندالعان.
قاراجاتتىڭ باسىم بولىگى تۇرعىن ءۇي جاعدايىن جاقسارتۋعا باعىتتالعان. 139 759 ءوتىنىش بويىنشا 22،09 ملن دوللار تۇرعىن ءۇي ماقساتتارىنا جۇمسالعان. ال ءبىلىم بەرۋ شىعىندارىنا 84 026 ءوتىنىش اياسىندا 13،11 ملن دوللار پايدالانىلدى.
تۇرعىن ءۇي باعىتى بويىنشا ەڭ تانىمال ماقسات – تۇرعىن ءۇي قۇرىلىس جيناق جۇيەسىندەگى سالىمداردى تولىقتىرۋ. بۇل ماقساتقا 21،61 ملن دوللار باعىتتالعان. ءبىلىم بەرۋ باعىتىندا قاراجات كوبىنە قازاقستانداعى وقۋ ورىندارىنىڭ وقۋ اقىسىن تولەۋگە پايدالانىلىپ، وعان شامامەن 12،15 ملن دوللار جۇمسالدى.
