Biyl elimizdegi barlyq balaǵa ekinshi ret Ulttyq qordan qarajat bólindi. Esepti jyly barlyq balalarǵa birdei soma eseptelip, onyń bir balaǵa shaqqandaǵy mólsheri 129 AQSh dollary 38 tsentti qurady. Al alǵashynda, 2024 jyly bir balaǵa 100,52 dollardan aýdarylǵan. Kámelet jasqa tolǵannan keiin shotyndaǵy aqshany bala turǵyn úi jaǵdaiyn jaqsartý nemese bilimin jetildirý maqsatynda paidalana alady, dep jazady Dalanews.kz.
"2024 jyly Ulttyq qordan alǵashqy qarajat eseptelgen balalarǵa, 2006 jyly týǵan balalardy qospaǵanda, 2025 jyly 3,04 AQSh dollary mólsherinde investitsiialyq kiris esepteldi. Nátijesinde baǵdarlamaǵa 2 jyl qatarynan qatysqan balanyń nysanaly jinaqtary 232 AQSh dollary 94 tsentine jetti", delingen BJZQ-nyń esep-qisabynda.
BJZQ baspasóz qyzmetiniń málimetinshe, 2025 jylǵy 1 aqpandaǵy jaǵdai boiynsha "Ulttyq qor - balalarǵa" baǵdarlamasy iske qosylǵan 12 ai ishinde "BJZQ" AQ (budan ári – BJZQ, Qor) shamamen 6,30 mln AQSh dollaryna 62 697 ótinish oryndady (ótinish berýshilerdiń banktik shottaryna aýdarý úshin ýákiletti operatorlarǵa aýdaryldy). Onyń ishinde turǵyn úi jaǵdailaryn jaqsartý maqsatynda 3,63 mln astam AQSh dollaryna 36 119 ótinish, bilim alý aqysyn tóleý úshin shamamen 2,67 mln AQSh dollaryna 26 578 ótinish oryndaldy. Esterińizge sala keteiik, nysanaly jinaqtardy alýshy barlyq somany nemese onyń bir bóligin paidalanýǵa quqyly, aqshanyń paidalanylmaǵan qaldyǵy nysanaly jinaqtaý shotynda (NJSh) qala beredi.
Buǵan deiin qańtarda BJZQ shyǵynǵa ushyrap, qazaqstandyqtardyń shotyndaǵy aqsha kúrt azaiǵanyn jazǵan bolatynbyz.
