بيىل ەلٸمٸزدەگٸ بارلىق بالاعا ەكٸنشٸ رەت ۇلتتىق قوردان قاراجات بٶلٸندٸ. ەسەپتٸ جىلى بارلىق بالالارعا بٸردەي سوما ەسەپتەلٸپ, ونىڭ بٸر بالاعا شاققانداعى مٶلشەرٸ 129 اقش دوللارى 38 تسەنتتٸ قۇرادى. ال العاشىندا, 2024 جىلى بٸر بالاعا 100,52 دوللاردان اۋدارىلعان. كەمەلەت جاسقا تولعاننان كەيٸن شوتىنداعى اقشانى بالا تۇرعىن ٷي جاعدايىن جاقسارتۋ نەمەسە بٸلٸمٸن جەتٸلدٸرۋ ماقساتىندا پايدالانا الادى, دەپ جازادى Dalanews.kz.
"2024 جىلى ۇلتتىق قوردان العاشقى قاراجات ەسەپتەلگەن بالالارعا, 2006 جىلى تۋعان بالالاردى قوسپاعاندا, 2025 جىلى 3,04 اقش دوللارى مٶلشەرٸندە ينۆەستيتسييالىق كٸرٸس ەسەپتەلدٸ. نەتيجەسٸندە باعدارلاماعا 2 جىل قاتارىنان قاتىسقان بالانىڭ نىسانالى جيناقتارى 232 اقش دوللارى 94 تسەنتٸنە جەتتٸ", دەلٸنگەن بجزق-نىڭ ەسەپ-قيسابىندا.
بجزق باسپاسٶز قىزمەتٸنٸڭ مەلٸمەتٸنشە, 2025 جىلعى 1 اقپانداعى جاعداي بويىنشا "ۇلتتىق قور - بالالارعا" باعدارلاماسى ٸسكە قوسىلعان 12 اي ٸشٸندە "بجزق" اق (بۇدان ەرٸ – بجزق, قور) شامامەن 6,30 ملن اقش دوللارىنا 62 697 ٶتٸنٸش ورىندادى (ٶتٸنٸش بەرۋشٸلەردٸڭ بانكتٸك شوتتارىنا اۋدارۋ ٷشٸن ۋەكٸلەتتٸ وپەراتورلارعا اۋدارىلدى). ونىڭ ٸشٸندە تۇرعىن ٷي جاعدايلارىن جاقسارتۋ ماقساتىندا 3,63 ملن استام اقش دوللارىنا 36 119 ٶتٸنٸش, بٸلٸم الۋ اقىسىن تٶلەۋ ٷشٸن شامامەن 2,67 ملن اقش دوللارىنا 26 578 ٶتٸنٸش ورىندالدى. ەستەرٸڭٸزگە سالا كەتەيٸك, نىسانالى جيناقتاردى الۋشى بارلىق سومانى نەمەسە ونىڭ بٸر بٶلٸگٸن پايدالانۋعا قۇقىلى, اقشانىڭ پايدالانىلماعان قالدىعى نىسانالى جيناقتاۋ شوتىندا (نجش) قالا بەرەدٸ.
بۇعان دەيٸن قاڭتاردا بجزق شىعىنعا ۇشىراپ, قازاقستاندىقتاردىڭ شوتىنداعى اقشا كٷرت ازايعانىن جازعان بولاتىنبىز.
