Qazaqstanda jyl saiyn 18 jasqa deiingi barlyq balanyń shotyna Ulttyq qordan qarajat aýdarylady, dep habarlaidy Dalanews.kz qarzhylyq_sauat arnasyna siltep.
Qarajat qashan túsedi?
2025 jylǵa arnalǵan nysanaly jinaq pen oǵan eseptelgen investitsiialyq tabys 1 aqpanǵa deiin balalardyń shotyna aýdarylady. 2008 jyly týǵan, biyl 18 jasqa tolatyn balalardyń da jinaǵy osy merzimde esepshotqa túsedi.
Qarajat qaidan qalyptasady?
Ár balaǵa bólinetin soma Ulttyq qordyń investitsiialyq tabysynyń 50 paiyzy esebinen qalyptasady jáne barlyq balaǵa teń bólinedi.
18 jasqa deiin bul qarajat Ulttyq qordyń aktivterinde qala beredi, investitsiialanady jáne qosymsha tabys ákeledi. Ony merziminen buryn sheship alý múmkin emes.
18 jasqa tolǵannan keiin qalai paidalanýǵa bolady?
Jinaq tek eki maqsatta jumsalady:
-
turǵyn úi jaǵdaiyn jaqsartý;
-
bilim aqysyn tóleý.
Jinaq iesi qaitys bolǵan jaǵdaida qarajat Qazaqstan zańnamasyna sáikes muragerlikke ótedi.
Ata-ana ne tekserýi kerek?
Balanyń:
-
jeke kýáligi bar-joǵyn;
-
JSN rásimdelgenin;
-
aty-jóni, týǵan kúni, azamattyǵy durys kórsetilgenin.
Qalai tekserýge bolady?
Onlain túrde:
-
eGov portalyna kirip,
-
jeke kabinettegi "Tsifrlyq qujattar" bóliminen balanyń deregin kórýge bolady.
-
balanyń JSN-i nemese jeke kýáligi bolmasa, HQKO-ǵa júginý qajet.
-
Azamattyq deregi qate bolsa nemese kórsetilmese, kóshi-qon qyzmetine barý kerek.
