Ulttyq kompanıalar paıdalanylmaǵan qarajatty jyl sońynda búdjetke qaıtarýǵa mindetteledi, dep habarlaıdy Dalanews.kz.

Qazaqstanda kvazımemlekettik sektor sýbektilerine jarǵylyq kapıtaldy qalyptastyrýǵa nemese ulǵaıtýǵa bólingen, biraq jyl sońyna deıin paıdalanylmaı qalǵan búdjet qarajatyn qaıtarý mehanızmi bekitildi.

Joǵary aýdıtorlyq palatanyń tapsyrmasy boıynsha Ulttyq ekonomıka jáne Qarjy mınıstrlikteri shara qabyldady.

"Memleket basshysy bıyl 15 naýryzda qol qoıǵan jańa Búdjet kodeksinde tıisti norma bekitildi. Bul qadam memleket qarajatyn paıdalaný tıimdiligin arttyrýǵa múmkindik beredi. Ulttyq kompanıalardyń shottarynda qajetsiz bos jatýdyń ornyna qarjy búdjetke qaıtarylady. Nátıjesinde qarajat mańyzdy jáne shuǵyl mindetterge, mysaly uzaq merzimdi ınvestısıalyq jobalardy iske asyrýǵa baǵyttalýy múmkin. Mundaı tásil búdjet qarajatyn maqsatsyz nemese tıimsiz paıdalaný qaýpin azaıtýǵa múmkindik beredi", - dep jazylǵan habarlamada.

Kvazımemlekettik sektor paıdalanylmaǵan qarjyny endi jyl sońynda mindetti túrde qaıtarýǵa tıis.