– 2019 jyly ekinshi deńgeıdegi bankterdiń tutynýshylyq nesıe portfeliniń ósýi shamamen 27% qurady. Bul segment korporatıvtik sektormen salystyrǵanda nesıe berýde kóshbasshy bolyp qala beredi.
Memleket basshysynyń tapsyrmasy boıynsha zańnamalyq deńgeıde birqatar retteý sharalary qabyldandy. Sonymen qatar, nesıe berýge, nesıege qatysty qyzmet kórsetýge jáne jeke tulǵalardyń 90 kúnnen astam merzimi ótken barlyq kepilsiz qaryzdaryna baılanysty aıyppul, komısıa jáne ózge de tólemder esepteýge tyıym salynady.
Sondaı-aq, kúnkóris deńgeıinen tómen azamattarǵa nesıe berilmeıdi, – dedi Erbolat Dosaev Almatyda ótken brıfıńte.
Ulttyq Bank basshysynyń aıtýynsha, 2020 jyldan bastap qabyldanǵan sharalar nesıe naryǵyn tıimdi retteýge múmkindik beredi. Bul óz kezeginde tutynýshylyq suranys pen ınflásıaǵa shamadan tys qysymdy tómendetedi.
