– 2019 جىلى ەكىنشى دەڭگەيدەگى بانكتەردىڭ تۇتىنۋشىلىق نەسيە پورتفەلىنىڭ ءوسۋى شامامەن 27% قۇرادى. بۇل سەگمەنت كورپوراتيۆتىك سەكتورمەن سالىستىرعاندا نەسيە بەرۋدە كوشباسشى بولىپ قالا بەرەدى.
مەملەكەت باسشىسىنىڭ تاپسىرماسى بويىنشا زاڭنامالىق دەڭگەيدە ءبىرقاتار رەتتەۋ شارالارى قابىلداندى. سونىمەن قاتار، نەسيە بەرۋگە، نەسيەگە قاتىستى قىزمەت كورسەتۋگە جانە جەكە تۇلعالاردىڭ 90 كۇننەن استام مەرزىمى وتكەن بارلىق كەپىلسىز قارىزدارىنا بايلانىستى ايىپپۇل، كوميسسيا جانە وزگە دە تولەمدەر ەسەپتەۋگە تىيىم سالىنادى.
سونداي-اق، كۇنكورىس دەڭگەيىنەن تومەن ازاماتتارعا نەسيە بەرىلمەيدى، – دەدى ەربولات دوسايەۆ الماتىدا وتكەن بريفينگتە.
ۇلتتىق بانك باسشىسىنىڭ ايتۋىنشا، 2020 جىلدان باستاپ قابىلدانعان شارالار نەسيە نارىعىن ءتيىمدى رەتتەۋگە مۇمكىندىك بەرەدى. بۇل ءوز كەزەگىندە تۇتىنۋشىلىق سۇرانىس پەن ينفلياسياعا شامادان تىس قىسىمدى تومەندەتەدى.
