Qazaqstan Ulttyq banki sáýir aiynda Ulttyq qordan 950-1050 million dollar kóleminde valiýta satýdy josparlap otyr, dep habarlaidy Dalanews.kz.
Ulttyq banktiń málimetinshe, naýryz aiynda Ulttyq qordan 748 million dollar satylǵan. Bul qarajat respýblikalyq biýdjetke transfertter bólýge jáne «Taldyqorǵan-Úsharal» magistraldyq gaz qubyrynyń qurylysyn qarjylandyrýǵa múmkindik bergen.
Sonymen qatar 2025 jyldyń naýryzynyń qorytyndysy boiynsha, kvazimemlekettik kompaniialardyń sheteldik valiýtalyq túsimderiniń mindetti túrde satylýy aiasynda shamamen 376 million dollar satylǵan. Qalǵan bóligi ekinshi deńgeili bankter arqyly valiýta naryǵynda satyldy.
Naýryz aiynda Ulttyq bank Biryńǵai jinaqtaýshy zeinetaqy qory (BJZQ) úshin birjalyq saýda-sattyqta 250 million dollar satyp alǵan. Bul jalpy naryq kóleminiń shamamen 6%-yn qurady. Sáýir aiynda bul kórsetkish 250 million dollardan aspaidy dep boljanyp jatyr.
Sondai-aq naýryz aiynyń qorytyndysy boiynsha teńge 1%-ǵa álsirep, 1 dollar úshin 504,2 teńgeni qurady. Qazaqstan qor birjasyndaǵy jalpy saýda kólemi 4,1 milliard dollarǵa jetti.
Ulttyq bank naýryz aiynda valiýta naryǵyna interventsiia júrgizgen joq.
