قازاقستان ۇلتتىق بانكٸ سەۋٸر ايىندا ۇلتتىق قوردان 950-1050 ميلليون دوللار كٶلەمٸندە ۆاليۋتا ساتۋدى جوسپارلاپ وتىر, دەپ حابارلايدى Dalanews.kz.
ۇلتتىق بانكتٸڭ مەلٸمەتٸنشە, ناۋرىز ايىندا ۇلتتىق قوردان 748 ميلليون دوللار ساتىلعان. بۇل قاراجات رەسپۋبليكالىق بيۋدجەتكە ترانسفەرتتەر بٶلۋگە جەنە «تالدىقورعان-ٷشارال» ماگيسترالدىق گاز قۇبىرىنىڭ قۇرىلىسىن قارجىلاندىرۋعا مٷمكٸندٸك بەرگەن.
سونىمەن قاتار 2025 جىلدىڭ ناۋرىزىنىڭ قورىتىندىسى بويىنشا, كۆازيمەملەكەتتٸك كومپانييالاردىڭ شەتەلدٸك ۆاليۋتالىق تٷسٸمدەرٸنٸڭ مٸندەتتٸ تٷردە ساتىلۋى اياسىندا شامامەن 376 ميلليون دوللار ساتىلعان. قالعان بٶلٸگٸ ەكٸنشٸ دەڭگەيلٸ بانكتەر ارقىلى ۆاليۋتا نارىعىندا ساتىلدى.
ناۋرىز ايىندا ۇلتتىق بانك بٸرىڭعاي جيناقتاۋشى زەينەتاقى قورى (بجزق) ٷشٸن بيرجالىق ساۋدا-ساتتىقتا 250 ميلليون دوللار ساتىپ العان. بۇل جالپى نارىق كٶلەمٸنٸڭ شامامەن 6%-ىن قۇرادى. سەۋٸر ايىندا بۇل كٶرسەتكٸش 250 ميلليون دوللاردان اسپايدى دەپ بولجانىپ جاتىر.
سونداي-اق ناۋرىز ايىنىڭ قورىتىندىسى بويىنشا تەڭگە 1%-عا ەلسٸرەپ, 1 دوللار ٷشٸن 504,2 تەڭگەنٸ قۇرادى. قازاقستان قور بيرجاسىنداعى جالپى ساۋدا كٶلەمٸ 4,1 ميلليارد دوللارعا جەتتٸ.
ۇلتتىق بانك ناۋرىز ايىندا ۆاليۋتا نارىعىنا ينتەرۆەنتسييا جٷرگٸزگەن جوق.
