Ulttyq bank bazalyq mólsherleme boıynsha sheshimin jarıalady, dep habarlaıdy Dalanews.kz.
"Ulttyq banktiń Aqsha-kredıt saıasaty komıteti bazalyq mólsherlemeni +/- 1 p.t. dálizimen jyldyq 18,0% deńgeıinde belgileý týraly sheshim qabyldady", - dep jazylǵan habarlamada.
Bazalyq mólsherleme degenimiz ne jáne ol nelikten mańyzdy?
Bazalyq mólsherleme – Ulttyq bank belgileıtin negizgi paıyzdyq kórsetkish. Ol arqyly bank sektorynyń jalpy baǵyty aıqyndalyp, eldegi nesıe men ınflásıa deńgeıine áser etedi. Bul kórsetkish boıynsha Ulttyq bank komersıalyq uıymdarǵa qysqa merzimdi nesıe beredi jáne olardyń qarajatyn depozıt retinde qabyldaıdy.
Qarapaıym tilmen aıtqanda, bazalyq mólsherleme – el ekonomıkasynyń "baǵdarshamy". Eger ony kóterse, nesıe alý qymbattaıdy, al túsirse kerisinshe arzan nesıe alý múmkindigi artady. Osylaısha, Ulttyq bank osy tetik arqyly aqsha aınalymyn rettep, baǵa turaqtylyǵyn saqtaýǵa tyrysady.
