2025 jyly "Ulttyq qor — balalarǵa" jobasy boıynsha kámeletke tolmaǵan el turǵyndarynyń arnaıy shottaryna 2024 jylǵa qaraǵanda kóbirek qarajat aýdarylady. Bul týraly Ulttyq bank tóraǵasynyń orynbasary Álıa Moldabekova aıtty, dep habarlaıdy Dalanews.kz.

Usynylǵan málimetterge sáıkes, Ulttyq qordy basqarýdan bıylǵy jyldyń 10 aıynda Ulttyq bank 5,3 mlrd dollar tabys tapqan. 

"Aýdarymdar qańtar aıynda júrgiziledi. Ótken jyly biz ár balaǵa shamamen 100 dollardan aýdardyq. 2023 jáne 2024 jyldar ınvestısıalyq tabys turǵysynan óte tabysty boldy. Sondyqtan jyljymaly ortasha mán ósedi. Kelesi jyldyń qańtar aıynda bul rettegi soma kóbirek bolady", - dedi Álıa Moldabekova Ulttyq bankte ótken brıfıńte.

Bul rettegi soma sıfryn Ulttyq bank naqtylamady, biraq tólemder 2025 jylǵy qańtardaǵy jaǵdaı boıynsha balalardyń sanyna baılanysty bolatynyn jetkizdi.

Atalǵan baǵdarlama boıynsha Ulttyq qordyń ınvestısıalyq tabysynyń 50%-y jyl saıyn 18 jasqa deıingi balalar sanyna teńdeı bólinedi. 2024 jyly 18 jasqa tolmaǵan azamattardyń árqaısysyna 100,52 dollardan aqsha aýdaryldy.