Ótken demalys kúnderi qazaqstandyqtar bank kartalarymen tólem jasaý jáne bankter arasyndaǵy aýdarymdar kezinde qiyndyqtarǵa tap bolǵan. Máselen, tólemder eki ret alynǵan nemese tólem qurylǵysy "qatyp turyp alǵan", al keibir dúkender onlain tólem qabyldaýdy toqtatýǵa májbúr bolǵan. Atalǵan yńǵaisyz jaitqa qatysty Ulttyq Bank túsinikteme berdi, dep jazady Dalanews.kz.
Ulttyq Bank 1 aqpanda bankaralyq tólem kartochkalary júiesinde saǵat 21.49-dan bastap infraqurylymnyń jekelegen elementteriniń jumysyndaǵy irkilisterge bailanysty qysqa merzimdi tehnikalyq aqaýlar baiqalǵanyn rastady.
Kóp uzamai ulttyq tólem korporatsiiasynyń mamandary júiedegi aqaýdy joiyp, jumysty tolyǵymen qalpyna keltirdi. Ulttyq Bank bankter barlyq durys óńdelmegen tranzaktsiialar boiynsha máseleni jedel sheshkenin naqtylaidy.
"Halyqaralyq tólem kartasy júiesindegi aqaý barlyǵy 1415 operatsiiaǵa áser etti, karta ustaýshylar qarjylyq shyǵynǵa ushyraǵan joq", dep sendiredi Ulttyq Bank.
Buǵan deiin 2024 jyly qazaqstandyq tórt banktiń aktsionerleri quramynda aýys-túiis bolǵanyn jazǵan edik.
