ٶتكەن دەمالىس كٷندەرٸ قازاقستاندىقتار بانك كارتالارىمەن تٶلەم جاساۋ جەنە بانكتەر اراسىنداعى اۋدارىمدار كەزٸندە قيىندىقتارعا تاپ بولعان. مەسەلەن, تٶلەمدەر ەكٸ رەت الىنعان نەمەسە تٶلەم قۇرىلعىسى "قاتىپ تۇرىپ العان", ال كەيبٸر دٷكەندەر ونلاين تٶلەم قابىلداۋدى توقتاتۋعا مەجبٷر بولعان. اتالعان ىڭعايسىز جايتقا قاتىستى ۇلتتىق بانك تٷسٸنٸكتەمە بەردٸ, دەپ جازادى Dalanews.kz.
ۇلتتىق بانك 1 اقپاندا بانكارالىق تٶلەم كارتوچكالارى جٷيەسٸندە ساعات 21.49-دان باستاپ ينفراقۇرىلىمنىڭ جەكەلەگەن ەلەمەنتتەرٸنٸڭ جۇمىسىنداعى ٸركٸلٸستەرگە بايلانىستى قىسقا مەرزٸمدٸ تەحنيكالىق اقاۋلار بايقالعانىن راستادى.
كٶپ ۇزاماي ۇلتتىق تٶلەم كورپوراتسيياسىنىڭ ماماندارى جٷيەدەگٸ اقاۋدى جويىپ, جۇمىستى تولىعىمەن قالپىنا كەلتٸردٸ. ۇلتتىق بانك بانكتەر بارلىق دۇرىس ٶڭدەلمەگەن ترانزاكتسييالار بويىنشا مەسەلەنٸ جەدەل شەشكەنٸن ناقتىلايدى.
"حالىقارالىق تٶلەم كارتاسى جٷيەسٸندەگٸ اقاۋ بارلىعى 1415 وپەراتسيياعا ەسەر ەتتٸ, كارتا ۇستاۋشىلار قارجىلىق شىعىنعا ۇشىراعان جوق", دەپ سەندٸرەدٸ ۇلتتىق بانك.
بۇعان دەيٸن 2024 جىلى قازاقستاندىق تٶرت بانكتٸڭ اكتسيونەرلەرٸ قۇرامىندا اۋىس-تٷيٸس بولعانىن جازعان ەدٸك.
