"Bashinskaianyń jazbasyna bola daý kóterip, shý shyǵarǵan ultshyldarǵa qarap, olardyń basynan sóz asyrmaitynyn baiqaýǵa bolady.
Isterikaǵa urynyp, depýtatty júndei tútken bul top tanym-túisigimen úilespeitin tosyn pikirdi qabyldai almaidy eken. Ádette, mundailardyń basym kópshiligi joǵary jaqqa domalaq aryz jóneltýge beiim keledi. Olar aryz-shaǵymnyń arqasynda kúneltedi", - deidi Daniiar Áshimbaev.
Aita ketelik, Almaty qalasy máslihatynyń depýtaty, «Amanat» partiiasynyń múshesi Anna Bashinskaia Ýkraina prezidenti Vladimir Zelenskiige Qyrymnyń ornyna Túrkiiaǵa shabýyl jasaýdy usynǵan bolatyn.
«Túrkiia tartymdyraq, Zelenskii myrza! Ol jerde jyl boiy jyly», - dep jazǵan edi Bashinskaia Facebook-tegi Deutsche Welle paraqshasynda.
Maqalada Zelenskiidiń Qyrymdy Ýkrainaǵa qaitarýdy kózdeitin qarymta shabýyldy josparlap otyrǵany aitylǵan. Prezident Yle arnasyna bergen suhbatynda Ýkrainanyń maidandaǵy jetistigi Batystyń qarý-jaraq tasymalyna bailanysty ekenin atap ótken. Zelenskii soǵan qaramastan soǵys uzaq merzimge, tipti ondaǵan jyldarǵa sozylýy múmkin ekenin eskertken.
Suhbatty tyńdap shyqqan Bashinskaia Ýkrain prezidentin keketip, muqatyp ótken. Jelidegi jurt Qazaqstan azamaty bola tura, onyń basqa eldiń prezidentin kemsitkenine, odan buryn basqynshylarǵa qoldaý bildirgenine keiis bildirgen.
Basy bálege qalǵan Bashinskaia ile-shala elden keshirim surap: "Jazdym, jańyldym! Ańdamai sóileppin...", – degen saryndaǵy jazba qaldyrǵan. Alaida jelidegi jurt onyń sóziniń shynaiylyǵyna senbeidi.
Depýtattyń baýyrlas Túrkiiaǵa til tigizýi túrik elshiligi tarapynan eleýsiz qalmasy anyq.
Dalainside telegram arnasy taratqan málimet boiynsha partiia basshylyǵy Bashinskaianyń oǵash qylyǵynan habardar. Aldaǵy kúnderi oǵan qatysty shara qabyldanady.
Jeli belsendisi Meiram Qanapiianyń aitýynsha Bashinskaia Almatynyń dizainymen ainalysatyn "LEÝ" atty firmanyń quryltaishysy.
Byltyr Bashinskaiaǵa tiesili kompaniia 15 mlrd teńgeden astam tabys tapqan. "Qazaqtyń aqshasy kimniń qaltasynda ketip jatqanyn qarańyzdar!", - deidi osy oraida jeli belsendisi.
https://dalanews.kz/bas-takyryp/88815-qazaqstan-resey-basqynshylygy-zhayly-a
